每逢假日, 呢間尖沙咀分店既滿屋都會大排長龍, 今日係平日晚上, 見門外人流冇咁多, 於是就同家人入去一試。 係網上見到有食客反映店內座位比較迫, 的確3-4人檯係較為迫, 但五人以上既大檯座位空間度可接受, 不會太迫。 呢間放題從入座起計限時任飲任食兩小時。 野飲同埋甜品都以自助形式自取, 一般既罐裝飲品都幾齊。 點擊圖片放大 食日式放題當然第一時間要ORDER刺身啦! 刺身以冰墊底, 賣相都很新鮮。三文魚、中吞拿魚、油甘魚、赤蝦、帶子、鮑片、赤貝, 款式都幾多。 更有泰式生蝦, 非常爽口, 味道、口感追得上泰國餐廳質素 壽司款式都幾多, 三文魚腔既我, 發現全部都揀哂三文魚既系列 三文魚腩壽司 - 魚油味不太豐富, 但口感較滑 火灸三文魚壽司 - 不過沒太豐富既魚油味 三文魚戀之花, 細細舊飯係入面, 整件入口, 口感份外豐富 芝麻雞翼 - 香脆外皮, 炸過後, 不帶油膩, 反而外表乾身, 內裡KEEP到豐富肉汁 羊架 - 沒有羊羶味, 肉質夠林, 而且JUICY 蟹 - 最為失望, 個汁鹹鹹地, 唔太知咩汁, 蟹既肉質煤, 不見新鮮 天婦羅蝦 - 炸物果然較為出色, 同樣表面不油膩, 外表鬆脆, 入面隻蝦都幾爽 除左炸物, 值得ENCORN既仲有串燒 隻蝦都幾爽甜, 有少少鹽吊味, 唔錯 雞軟骨 - 夠爽脆, 不過落鹽多左少少, 有D過鹹 牛舌 - 有點咬口感, 鹽令味道更加出 燒菠蘿 - 酸酸甜甜, 岩哂食到咁上下消下濟 自助甜品 - 蜜糖燉蛋, 幾香蛋味, 甜甜的 另外既CREAM蛋糕, 蛋糕略為乾身左D 最後每人更可限量自選一款雪糕tim.... ———————————————— 餐廳名稱:滿屋日本料理 Address: 尖沙咀北京道53-63號國都大廈地下全層 Tel.: 3622 1801, 3622 1802 營業時間: 星期一至日 12:30-15:00 18:00-23:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================