16-5-2018 Day 1 今年5月嘅時候我去咗三轉旅行 而第一個旅行就考完試之後隔咗兩日就飛咗啦 一個我從來未去過嘅國家——日本 228呢個閘口真係黑人憎 最憎搭巴士轉飛機 講返正題 香港快運減價 而我又未去過日本 所以我就買咗呢張機票 至於點解要去四國? 純粹係身邊冇friend去所以想睇下呢個地方 四國之旅真係得好少相.... 點擊圖片放大 +2 大約晏晝四點半飛到日本 過埋關拎埋行李都已經差唔多5點 呢度嘅機場巴士係根據航班時間而開 喺機場會有人教你點樣坐 記得拎埋回程巴士時間表!!! 出到市區第一件事就係拎咗jr pass先 我係預先喺Klook訂 冇記錯嘅話五日係400幾蚊 整完jr pass就返旅館啦 我間旅館係喺瓦町站附近 由高松站搭電車過去大約10分鐘 間旅館叫做Kawaramachi Dormitory Hostel 老闆係台灣人 呢間旅館好乾淨 而且每個床位嘅空間係好大好高私隱度 因為有個門畀你鎖住自己個床位 但係因為咁 缺點就係好熱唔通風 雖然床頭會有風扇仔 離開旅館嗰陣已經差唔多七點 所以就喺附近啲步行街搵咗間居酒屋食嘢 骨付鳥係高松嘅名物 有一間舖頭叫做一鶴骨付鳥 但係我去嗰陣係排長龍 所以我就去咗居酒屋食嘢 見到有骨付鳥順便點埋 可能係我唔識欣賞 比成嚿水食隻雞髀真係好...... 不過都叫做填咗肚啦 食完行咗一陣就返去瞓啦 商店街啲舖頭都好早就關咗 Day 2待續