✲゚*:₀。都市綠洲。賽姫與邱比特之約。DK Cuppa Tea。₀:*゚✲

又係我地假日中上環遊記,今次我同Mr.K 再來仙境食Tea,

由佢初時唔明我做咩要成日嚟,到而家已經成為我地都超喜歡的小店。

加上話晒我都係美女,平時點粗魯,見到咁靚嘅Teaset 都會投降喔!

 

店員先送上餐飲”假日美夢”,今次係來自紐約嘅菠蘿椰子茶,飲落有少少似Pina Colada,

不過佢係熱飲,口味清新,好適合夏天,而且加左幾次水都仲好濃味!

之後就係玩Magic Card 的環節啦!

 

今次主題是賽姬戀曲,店主準備左好多唔同的Props,

有機茶更可以夾上牛油曲奇的天使翼


糖霜牛油曲奇入口唔太甜膩,太鬆化的牛油曲奇往往都是肥胖陷阱,

平衡兩者的情況下,這片曲哥合格之作。

 

5 張Magic Card 仲可以每日抽一張,檢視自己的需要,

每次的Tea Set 都會附送五張,我已經儲足25張了!抽過Magic Card 就是香薰體驗,

今次店主創作了一款新的香薰Spray “Awakening”,入面有五種香薰,包括山雞椒,薑味等等,花香中夾雜左薑味,味道都幾醒神

 

等左一陣,我地嘅Tea Set 出場了!嘩!淺藍加銀盤靚到我叫左一聲“好靚呀吖!”

 

藍色的托盤上放住兩個大銀盤,仲有天使的小擺設,店員講下邱比特同賽姬的愛情故事,原來他們嘅故事係如此動聽,令人感動。影相影耐左仲會主動提出加熱返咸點,好貼心喔~

 

大銀盤放著是咸點包括有DK Cuppa Tea 最好食嘅 Sausage Roll,以及六件不同口味酥餅。這個Tea Set 特別之處,除了香腸酥是一人一份,其他咸點都是需要二人分享的,So Sweet

 

先嚐龍蝦二重奏,龍蝦慕絲加入了分子料理的原素,慕絲濃稠如醬汁般質感好幼滑,配合龍蝦多士一起享用,甘香濃郁,齒頰留香。

 

Signature Sausage Roll , 配合店家揀選的茄汁,少少酸令味道更為吸引。

 

咸點後就是女生都愛的甜品,首飾盒似的小銀盤放著三款甜品,手工精緻如真。首飾一樣。首飾箱在賽姬之戀這個愛情故事中,擔當了一個重要的部分,

究竟是什麼,留待店員告訴大家好了。

 

紋理清晰的藍心曲奇,糖霜味道恰到好處,並沒有一般的糖霜不曲奇太甜的問題。

 

葡萄柚朱古力小天使

記得小時候,姨姨也有一個類似的心口針,藍底白圖案造工精緻細膩,真假難分吧,

味道是柚子味白朱古力。小小酸正好平衡白朱古力的甜膩。

 

小天使薰衣草乳酪芝士蛋糕

白朱古力造的小天使坐在乳酪蛋糕上,恰似一個音樂盒,芝士蛋糕質感綿密細緻,>吃著滲出淡淡的薰衣草香味,不甜不膩,一試傾心。

 

朱古力閃電泡芙 

Tea Set 包括最近大熱的法國閃電泡芙,切開酥脆的外層,看到入面有朱古力夾心,

泡芙空氣感十足,餡料甜而不膩。

天使馬卡龍 

粉藍色的心型馬卡龍入面放著榛子醬及白朱古力天使翼,手工精緻,

我們影了很多相才捨得吃,味道不甜膩。

 

今次TeaSet 設有Dress Code,只要著白色及藍色的衣服,同Teaset 影相,、

Post 到 instagram 或 Facebook,就可得到Angel Mask 乙個(黑白色二選一)

多Tag 三個朋友,仲會有扭蛋的機會。Mr.K 抽中香薰頸鍊(已收歸國有)。

 

而我竟然抽中特別獎,是天使十字繡DIY 套裝,嘩!好開心好驚喜呀! 

每次來這裡也可以放低繁瑣的生活,享受店家安排的小遊戲食物,

最後可以寫未來的展望,曾經有心理學家說過,寫出來的會比只單純想想更易實現,

只要你還有夢的話,趕快寫下來。

 

此Tea Set 由13/6起同時於兩店供應,用餐時間每節兩小時。

賽姬戀曲 下午茶 $298/1人, 最少二人同行及需要預訂!

 

DK Cuppa Tea

上環新街市街19號地舖

中環士丹頓街16A地下




For Collaboration and Invitation,

Please send to : littlecatt@gmail.com

This entry was posted in 情侶約會, 特色餐廳, 甜品/飲品, 知己聚會, 節日, 香港 and tagged , , , , , , , . Bookmark the permalink.