淇淇40W週記:KO四日無便便,ILLUMA轉會卡洛塔妮!!!(+育嬰室排名)

啊!!!其他奶粉B一日都有兩次便便,淇淇上星期四開始一路都無。於是星期六日得閒上BK問左好多意見,爬過一堆文,見有B食ILLUMA無便便嘅個案都係去到8、9個月左右突然有便便問題,同淇淇而家情況差唔多。覺得可能係食緊隻奶粉開始唔夾(定係本身已經唔夾???)試下轉!差唔多價,又未試過羊奶,想趁而家trytry。星期日晚去完99度食飯,喺佢樓下屈臣氏入左呢隻,0-12m。

講返轉頭少少,其實35W開始我同余生慢慢都覺得淇淇便便少咗,仲笑佢肚仔大過之前兩個碼(但手腳只係大左半個碼,唔算有肉),不過又未到幾日去唔到。
今次轉咗就知道,分別一定係有嘅,唔知係咪個個B都會有咁明顯分別喇。好彩今次到淇淇第1次轉奶粉,又無傳說中嗰D扭王上身之類。星期日晚第一餐,幾專心半個鐘KO一支。之後星期一朝早有返便便,四日,個肚仔即刻由大山變返小山,呼~更開心嘅係,二三四五都keep住有,之前ILLUMA年代都未試過。更更開心嘅係,即刻無咗D臭到令人半夜彈起嘅PP!!!

打呢篇blog之前都去咗媽媽谷匯報,除咗有媽媽跟隊試卡洛塔妮,原來一早就有媽媽同我同步試緊,反應都OK正面。而家我同余生都想分享返少少經驗(+專業爬文+護士表姐comment)。
*羶味令BB抗拒?
淇淇食得好,我都唔覺卡洛塔妮有任何羊羶味,答完。
*羊奶粉缺少部分重要營養?
雖然有媽媽爬文睇到新鮮羊奶嘅鐵質、葉酸、維他命都好似唔夠人類BB所需,但經調配後的卡洛塔妮羊奶粉已經唔會出現呢個問題。
*同母乳分別更大?
如果睇D蛋白質成份,我哋可以話羊奶粉(包括我家新寵卡洛塔妮)同母乳較為貼近。母乳大部分係β-酪蛋白,而牛奶就α-酪蛋白同β-酪蛋白都有;羊奶嘅α-酪蛋白相對較少,β-酪蛋白相對較多(睇下面圖表比較近似母乳)。蛋白質吸收好,BB免疫力都自然會好,呢樣我buy羊奶粉。

*羊奶粉更易令BB敏感?
NO。相反,如果咁好彩個B係對牛奶入面有一種叫α-S1酪蛋白有敏感,咁真係有機會因為轉羊奶粉而減低/KO咗D敏感,因為呢種蛋白分子喺羊奶粉入面少好多。

最新換片攻略
同余生研究緊商場D育嬰室,因為前幾日幫淇淇換片時幫襯過圓方,豪華到可以用驚喜形容!以下係我嘅最正育嬰室排名:
冠軍:圓方!!!豪華,有水機。余生仲有梳化坐。
亞軍:K11。人少,靚,都有水機。
季軍:奧海城3期。位置好,出奇地都少人,舒服,冷熱水機落樓下WELL就有,幾步only!
另外最新開嘅V Walk個育嬰室都唔錯,不過可能新開稍嫌多人,上次排左10分鐘。
唔知大家嘅排名又係點?分享下啦!

This entry was posted in 幼兒飲食 and tagged . Bookmark the permalink.