7,8月係水蜜桃嘅季節 身為水蜜桃迷今次特登預左1日去摘桃 事前上網搵左好多都無咩reference 好多都係one day tour 睇左好多都要10,000yen/人 而且要一大早集合出發 行程又唔係好有興趣 就決定自己去 依個農園就係好多local tour都會去 事前send左email問 個人客唔需要預約walk in就得 雖然交通唔方便 但係桃迷表示無嘢能夠阻止到我!!! 由於買左JR Tokyo Wide Pass 3日卷 其中一日就由JR新宿站出發搭前往甲府嘅JR 係石和溫泉站落車 車程約90分鐘 係車站南口一出右邊有個觀光情報所 裡面有御坂農園嘅leaflet 除左有地址仲有折扣卷 本來想參加1200yen嘅任食+摘兩個 有折扣卷就1100yen超級抵 (另外有淨係任食30分鐘880yen/人) 入到觀光情報所問左職員有無巴士去到果園 係有嘅!係JR站外面搭15分鐘左右係『夏目』落車就得 不過職員同我地講下班車係45分鐘後 班次比較疏我地就決定搭的士 雖然係日本搭的士出左名貴 但係為左食到新鮮山梨縣水蜜桃 無所謂啦 反正入場費本身就咁平 而且事前上網check過 搭的士唔洗10分鐘2000yen左右就到 都可接受 我地上的士將係觀光情報所拎嘅leaflet俾司機伯伯睇 雖然語言不通但係都係有leaflet係手就無問題啦 最後搭左5分鐘左右就到 價錢係1720yen 人多嘅話除返開都唔係好貴嘅 去到拎住leaflet指俾職員睇要參加摘桃+任食就OK 俾完錢職員會每人俾一個膠袋 係用黎放摘好嘅桃嘅 一袋兩個方便職員點算 首先農園會有shuttle bus車你去摘桃先 大約3分鐘就到果園啦 D水蜜桃個個都拳頭咁大 甚至大過我個拳頭 見到已經急不及待想摘 每人兩個當然要摘最紅最大啦 之後就坐返shuttle bus返農園食已經摘好嘅桃啦 我地兩個人食左11個再帶走左4個 由於太好食太juicy 雖然食左兩個其實已經好飽 但係我地依然唔停手咁食 走嘅時候有問職員巴士嘅班次 可惜又唔啱時間 就請職員幫我地叫左的士返JR站回程 計埋來回的士每人俾3000yen左右 我覺得係超值嘅 但係如果你一家大細 又覺得local tour行程合心意 可能local tour會適合你D 因為我地單純想摘桃 覺得自己去時間自由D 花費都比join tour平 就係咁圓左桃迷一個摘桃夢 更多分享請去 My Page: 享樂主義。Hedonism 地點:山梨縣笛吹市御坂町夏目原656-1 御坂農園 www.misakanoen.co.jp