好多人去首爾都會去鷺粱津食海鮮 但係見好多人話唔係真係好平 又有人話遊客會俾人呃 於是就決定轉戰麻浦農水產物市場! 依個市場細過鷺粱津好多 不過勝在無咩遊客去 夠哂地道俾人呃嘅機會都少D 麻浦農水產物市場係地鐵6號線世界杯體育場站 由1號出口步行約5分鐘就到好方便 入面嘅海鮮檔得十幾檔 至於揀邊檔就睇眼緣啦 最後我係一個大叔嘅檔買左4隻大鮑魚(28000won),一隻小章魚(2000won),4隻大蝦(10000won) 計返港幣只係$270左右(hk$1=152won) 4個人食除返真係抵到不得了! 不過由於市場唔係好多遊客 如果唔識韓文就要用手指加計數機啦:p 最重要嘅大蟹呢! 市場內得一間賣大蟹嘅店舖(如果無睇錯lol) 我地買左一隻90000won(約hk$600) 一開始磅完係99000won 大叔見我地有少少猶豫就主動平俾我地^^ 之後就拎埋d海鮮上樓上嘅餐廳 大蟹就大叔蒸好先送上去 鮑魚同章魚生食 大蝦就拎左去烤 全部都好新鮮好好食>3 計埋餐廳收嘅處理費,醬料費同海鮮泡菜煎餅 人均只係hk$250左右 大力推介俾鐘意食海鮮嘅朋友:) 點擊圖片放大 +6