終於食到呢間位於佐敦既“ 響 - Hibiki 日本燒肉“ 次次約都話full 咗- - 今次我早左3個星期打去book 位,就得左喇^^. 呢到係燒肉放題,可以任食2.5個鐘。而且選擇好多有刺身、海鮮、肉、飲品等等... 其中既酒類超多款,包括紅白酒、清酒、梅酒、柚子酒 全部都係任飲架^^ . 講返野食先@@ 一坐低就有”刺身拼盤”包括三文魚、甜蝦、海膽、帆立貝、油甘魚...款款都好新鮮~~甜蝦食落好鮮甜,海膽味道濃厚,而三文魚夠肥美,之後可以無限追加, 唔錯㗎➰ “ 龍蝦” 超大隻而且好多膏,肉質彈牙,正! “燒肉拼盤” 係有7款肉: 澳洲和牛西冷、澳洲和牛胸腹、美國牛肋骨、豚肉、骨付雞肉腸等等,餐廳好貼心咁將名牌放喺肉類旁邊,比客人知道肉類名稱,方便之後再encore✔️ 個人推介澳洲和牛西冷,油脂分布平均,燒完入口即溶,好有牛味,完全冇得輸~ . 最後就到甜品.. 有我最愛既 Mövenpick 雪糕,一次過食左2盒,特別係Espresso 口味,咖啡味濃,奶味唔重又唔會好甜,救命!!!點解可以咁好食架^^ 其實除咗Mövenpick ,仲有Dryers 、gelato 同其他蛋糕,俾你選擇! . . Name : 響 - Hibiki日本燒肉 Address : 佐敦白加士街101號珀軒1樓