每一間餐廳要 Keep 到水準係一件難事~~~ 之前十分推薦的 Chef Stage by Eddy Chu 係食肆林立既銅鑼灣開左新分店, 正正式式名為【西餐大排檔】 由【西餐浪子】Eddy Chu 主理的西餐大排檔 以西餐和大排檔兩者特色合二為一, 實行中西合璧的 Fusion 菜!!! 由於未齊人, 就先來個西式小吃拼盤吧~~ 分別有西班牙橡木果黑毛豬火腿, 格魯吉亞煙燻味手撕芝士條, 菠蘿及藍莓 用黎佐酒真的一流喔!!! 最特別就是呢個【格魯吉亞煙燻味手撕芝士條】 用手撕一條條黎食架, 好似魷魚絲咁款, 味道帶有煙燻及微鹹味道; 芝士味都算香, 一邊傾計一邊撕黎食真係好過癮, 好快就會食哂一條架啦!!! 水牛芝士配番茄凍湯 (HK$128) 平時食的都係一片水牛芝士一片番茄, 但這裡的是用上番茄凍湯代替~~ 水牛芝士上淋上黑醋, 伴有沙律菜及車厘茄; 食落涼浸浸又開胃, 這個配搭非常不錯!!! 另一個前菜:生洋蔥檸檬欖油凍蝦 (HK$128) 以大蝦及洋蔥粒為主的前菜, 愛吃洋蔥的我表示非常喜歡!!! 大量的洋蔥粒配上新鮮蝦一齊食, 洋蔥味絕不會過嗆; 同時可突出蝦的鮮味, 仲非常有咬口添~~ 艾迪 BB鴿 (HK$98) 可說是必吃之選!!! BB鴿炸得皮脆肉嫩, 細細隻分成 4件容易食; 很有光澤的外表, 食落嫩滑又多汁, 真係要不顧儀態咁用手食先最有風味''* 鮑魚海鮮冬陰忌廉湯 (HK$78) 這個湯完全係 Fushion 創作, 用冬陰公配忌廉湯, 飲落微辣又帶點 creamy; 加上以鮑魚, 鮮蝦, 魚等海鮮來煮成, 仲多了一份鮮味!!! 特別得來又美味~~~ 這個是燒 T骨羊扒伴紫薯蓉''* 羊扒燒的剛剛好, 帶有微微的羊羶味, 肉質多汁又不會過韌; 不蘸上燒汁食都已經夠哂味, 不過由於係 T骨位, 所以肉不算多, 份量亦剛好!! 最喜歡的是它伴上無添加的紫薯蓉, 無加糖而成~~ 微甜的紫薯配上滑溜的質感, 正啊"* 還有粟米怪既至愛:牛油生燒原條粟米 (HK$35) 原條粟米塗上牛油後直接生燒, 多了一份炭燒既風味來; 充油牛油的香味, 加上本身粟米都很爽甜, 我一個人都可以食一條呢!!! 最後少不了甜品~~~ 這個美國香醇朱古力蛋糕, 慕絲的質感的特濃朱古力; 純朱古力又香濃又滑, 超級喜歡呢!!! 西餐大排檔 地址:銅鑼灣渣甸街 50號渣甸中心 7樓 ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ 歡迎大家跟我聯絡喔~ Email: winniecard@yahoo.com.hk BeautyExchange.BeautyLife.BlogDB.Blogspot.ELLE.FanPiece.iTrial.MyCossip. Qooza.QoozaBeauty.she.com.Sina.Style-Tips.theZtyle.UBlog.WeShare Kami 嘉美 の 貪靚鬼愛分享 Promote Your Page Too