萬聖節 又到啦!諗到去邊玩未呢?今年萬聖節節慶活動多籮籮,除咗大家熟悉嘅迪士尼Halloween Time、海洋公園哈囉喂之外,仲有一大班喪屍降臨香港商場!各個萬聖節活動嘅刺激程度都唔同,無論你係「膽小鬼」定係「捉鬼敢死隊」,都總有一個啱你玩!依加就等Toby為你介紹啦! 萬聖節活動2018 1)首次登陸香港-Dead Rising 喪屍圍城 首先要介紹嘅係今年香港萬聖節全新活動——《Dead Rising喪屍圍城》 你喺香港玩過嘅鬼屋最大有幾大?Toby就相信最大嗰個都絕對無「喪屍圍城」咁大!今次活動喺荒廢已久、被稱為「死城」嘅荃灣海濱廣場舉行,場地樓高3層,佔地5萬呎,並以Dead Rising遊戲為背景,以喪屍為主題將場地化身成「屍殺商場」…參加者要喺陰暗、恐佈、緊張嘅環境入面完成任務,仲要同一大班喪屍展開追逐戰…有新鮮感之餘緊張又刺激感、恐佈感十足,啱哂鍾意追求刺激、挑戰極限嘅你!而且玩家更可以用手機拍攝場內嘅情況,全程記錄低緊張刺激嘅屍殺之旅! 「Dead Rising: Reality喪屍圍城‧香港站」 日期:10月13日至10月31日 地址:荃灣永順街28號荃灣海濱廣場 開館時間: 星期一至五下午4:00 – 晚上11:00(最後入場時間:晚上10:30) 星期六、日、公眾假期及10月29至31日:下午1:00至晚上11:00(最後入場時間:晚上10:30) 票價: HK$238 (任何日子適用) HK$218 (星期一至四入場時間適用,公眾假期及 10 月 31 日除外) 早鳥優惠門票:即日起 凡購買 2 張或以上門票,即享每張 HK$158 票價優惠。 2)Disney Halloween Time 「怪誕城之旅」 想感受節日氣氛,但又非常怕鬼?迪士尼就啱哂你啦! 2018迪士尼Halloween Time嘅主題係《聖誕夜驚魂》,園內佈滿電影情節嘅裝飾,締造一個詭怪世界!全新詭魅體驗館為《怪誕城之旅》,以阿積擔正主角,帶你穿梭《怪誕城之夜》的經典場景,魅影處處。 除咗體驗館外,一眾迪士尼朋友亦會換上萬聖節裝束,係街頭大搞萬聖派對,家長門可以幫小朋友悉心打扮,帶佢哋入樂園同米奇米妮一齊開Party,更可以挑戰「迪士尼Trick or Treat趣玩站」! 無準備Trick or Treat袋?唔梗要!園內嘅Halloween詭趣花園有Trick or Treat袋子工作坊,俾你即場自製! 另一個重點環節當然係萬聖節巡遊,今年巡遊嘅主題係「迪士尼惡人大出巡3.0」,新加入成員有黑巫婆同海女巫烏蘇拉!另外亦包括其他迪士尼惡人,包括邪惡皇后、巫師賈方、阿積、虎克船長、紅心皇后、庫伊拉等。 迪士尼Halloween Time又有氣氛又唔驚嚇,非常適合情侶同埋親子去玩! 香港迪士尼樂園Halloween Time 票價: 香港迪士尼「暢玩2日」優惠套票 港幣$699 (12至64歲) /港幣$515 (3至11歲); 1日門票 港幣$619起 (12至64歲)/ 港幣$458起(3至11歲) 時間:上午10:30至晚上8:00 日期:2018年9月13日至10月31日 想喺Halloween扮鬼扮馬但唔識化妝?可以搵活動化妝師幫手! 即搵活動髮型及化妝服務 3)海洋公園「哈囉喂全日祭」 海洋公園「哈囉喂全日祭」年年都有驚又有喜,鬼屋嘅驚嚇程度由低至高都有,你又有無挑戰過? 今年哈囉喂有6個鬼屋、9個嘩鬼表演同埋萬聖節主題遊戲設施!而今年就以創新科技為主題,更同Sanrio合作,無論係羅蘭姐、每隻嘩鬼、定係Sanrio家族成員嘅造型都注入科技元素,驚嚇得嚟又型、型得嚟又Cute! 即刻睇吓各個鬼屋主題啦! 「哈囉喂全日祭」鬼屋: X異域-驚嚇指數 50% 屍營醫院-驚嚇指數 100% 深海怨靈-驚嚇指數100% 血腥馬戲團-驚嚇指數100% 森魔屠園-驚嚇指數100% 血祭大變身鬼屋-驚嚇指數100% 主題遊戲設施: 「腥」級版 越礦飛車 萬聖節版嘅越礦飛車今次加入VR元素!乘客可以戴上特製VR眼鏡,坐過山車時進入寒氣逼人嘅停屍間,除咗陣陣陰風,仲有血淋淋嘅活屍凶靈緊貼眼前,刺激程度爆燈! 門票價錢及活動日期: 票價︰ 優越成人票 $860;優越小童票 $430 成人 $480;小童 $240 成人學生票 $350﹙只限逢星期四、五及10月31日﹚;小童學生票 $175﹙只限逢星期四、五及10月31日﹚ 開放時間:10:00am-11:00pm 開放日期:2018年10月5-7 ,12-14,17-21、25-28及31日 鬼屋同哈囉喂表演只會喺以上日子全面開放,想去嘅朋友仔記得要留意啦! 唔想同人逼?可以上Toby搵Party Room開Party! 即搵Party Room 仲有兩個萬聖節活動嘅資訊啊!想睇更多?快啲click 入嚟睇吓 完整嘅 2018 Halloween 香港好去處!