推薦必買嘅三大The Ordinary熱賣產品 + 用後心得

推薦必買嘅三大The Ordinary熱賣產品 + 用後心得

深信好多女士對The Ordinary呢個牌子都有一定嘅認識,因為佢係源於加拿大嘅,除咗價錢平之外,產品效果仲幾好,非常十分適合小資女,稱得上係平價嘅明星護膚品。不過之前就驚傳佢地要結業,但過左一排,呢個假消息好快就被打破左。其實仲未結業嘅,好多地方仲有得賣,而且貨源充足添^~^ 今日就係到同大家介紹下我用左3個星期嘅效果啦,暫時淨係試左3支熱賣款,詳細嘅心得請繼續睇埋下面啦@@

保濕 (以下兩者都好好好適合乾性皮膚)

Hyaluronic Acid 2% + B5 30ml

融合濃度高達2%嘅低、中、高分子量透明質酸,而其本身並唔洗補水,而係利用可以吸收高達其本身重量1000倍水嘅特性幫助水分吸收,所以有極佳的保濕功效。同時添加了維生素B5,有助於修補皮膚組織,亦可以撫平細紋使肌膚變得柔滑有彈性。

同以下兩者比較,呢款我認為係最痴粒粒嘅一款,但混合其他產品如cream / foundation用就可以加強保濕效果,又唔會痴粒粒之外,仲好貼服,尤其加落foundation中,可以令到整個妝感睇落去更順滑。所以唔建議單用,需要混合其他護膚品(cream/ 化妝品用。

100% Plant-Derived Squalane 30ml

成份為100%植物提取角鯊烷,係最接近人體皮脂嘅油脂,親和力強,有效形成天然屏障,同時幫助油脂平衡,有效促進血液循環,增加細胞新陳代謝,幫助修復破損細胞,仲可以抑制皮膚脂質過氧化,緩解皮膚老化,係一種非常溫和天然嘅保濕修復成分。

質感雖然油油地,但對於乾性皮膚嘅我搽上面好快就吸收到,比上面嗰隻更易吸收。日頭夜晚都會用,日頭就會係上妝之前搽佢,可以令到個妝容貼服啲,減少龜裂情況。除左面部,頭髮,嘴都得,乾嘅地方滴1-2滴就ok,可以話“乾人”嘅萬用油~_~

抗衰老 收復皺紋

Buffet

含有有大量的氨基酸、透明質酸複合物以及多種勝肽精華,用來減淡靜態細紋,法令紋、眼角和額頭的靜態皺紋都特別有效,也可以收細毛孔,令皮膚更加光滑。

我覺得個質感唔算太粘膩,比HA嗰隻好。一般係HA / Squalane之後先用,同埋主要夜晚用多,因為夜晚用完第二日起身覺得皮膚好似會滑左少少。但對於對抗細紋嗰啲就暫時未見到效果,法令紋 / 頸紋 係我身上好似唔太work,但係有人用完係覺得啲紋淡左嘅,嗯呢啲都係好視乎個人情況。

以上三款都係lookfantastic到買,價錢相對比係香港買嘅平差唔多一半,但要等至少兩星期先到

https://www.lookfantastic.com.hk/

Tag

The Ordinary, 加拿大護膚品牌, 保濕精華, 收毛孔, 撫平皺皮, 抗衰老, Hyaluronic Acid 2% + B5, Buffet, 100% Plant-Derived Squalane,

This entry was posted in 護膚 and tagged , , , , , , , , , , , , . Bookmark the permalink.