「又係觀塘!?又係工廈!?」((=_=)) 喂喂喂,咪反我白眼住啦, 鬼叫人地工廈餐廳BB最近人氣急升咩! 呢間Cafe離地鐵站都算近,走路大約5-10分鐘,但係一路都超級多人勁迫!如果放工 / lunch時間去,你就要同N位親愛嘅觀塘之友汗貼汗啦。 呢間餐廳位於成業街成業工業大廈G/F,直入大廈一直向前行就到了。大鐵閘門本身已經很有懷舊感覺,再加上黑白的色調更添絲絲舊日味道。 裡面的裝飾當然少不了懷舊風。一入門口已經見到「妹妹理髮廳」嘅設計,另外,除左牆紙好有風味,周圍都有舊式收音機等等嘅擺設,懷舊味濃。呢度因為太入太隔涉,所以電話收得好差,實打唔到電話嫁啦,上網就用佢地嘅Wifi啦,不過都好嘅,比個機會大家放低電話,放鬆下談談心。18:30黎到仲有好多吉位,但19:30前已經full哂,最好訂位,下午唔接受訂位而且成日都Full到HIHI, 大家想黎食就預早黎啦。 如果係非繁忙時間黎,仲有機會坐係呢個位添!有「高興」牌匾、舊式jukebox、唱片、行李箱等等。只可能佢所以都只係擺設,仲有張A4紙寫住唔比人摸,大煞風景。如果係啲舊書舊傢俬比人睇下影下相,會仲有Feel。 Oreo Smoothie 朱古力曲奇沙冰 $34 ☞ 好多人都會將佢當甜品,因為佢好甜好thick,但係我最鐘意一開始就飲這種肥人恩物 (所以我都長期處於減肥......)。creamy, sweet, thick Oreo, 點都唔會難飲呱。但呢杯Smoothie不合格,因為佢地加太多冰/水,令杯飲品太淡味太稀薄。沙冰最重要係拿捏冰 & 料嘅份量,很明顯佢地FAILED! 摩洛哥雞肉沙律 $74 ☞ 犀犀牛朋友大大力推介,所以叫左一份。哎呀衰鬼,又真係幾好食幾健康。除左一般嘅水果,仲有果仁、紅菜頭、牛油果等等嘅健康食品,調味都好特別,好清甜,同配料味道十分相配,沙律醬味不會太濃太搶風頭。 高興香腸拼盤 $64 ☞ 話說犀犀牛減肥,唔想食澱粉質,所以冇乜小食啱我,就叫左佢地新出嘅香腸啦。醬汁係茄汁底,微辣。有一兜仔酸菜,似係德國菜個啲咁。香腸惹味香口,有一股濃郁胡椒味,面頭嘅洋蔥更為加分,炒到好冧好入味! 美式黑豚扒 $128 ☞ 要黎嘅始於要黎......為了減肥專燈唔叫薯條,估唔到佢個Main Course 會有薯條,仲要勁好食!!因為新鮮炸,粗身得黎又好脆,仲有加調味粉,唔洗沾茄汁已經100分。黑豚扒我地揀左黑椒汁,好貼心地全部都係On the side上。塊扒好厚,切到我手軟都仲未切到底。肉汁唔算多,但係肉質都可以,唔會太「鞋」身太靭,一塊普通雪藏扒。呢個價錢有呢個水準都算唔錯。 肉桂蘋果高興煎餅 $49 ☞ 冇錯,話要減肥嘅犀犀牛食甜品xD。蘋果軟身入味,配埋鬆軟嘅Pancake真係一流!真心值得一讚!因為pancake唔係隨隨便便開粉煎就好食,要有牛油香蛋香,咬落要有實在口感,但同時又唔可以太硬,要好鬆軟(Sorry, 好食嘅野就係咁矛盾)。如果我食過最好食嘅pancake有10分,佢地都算有9分!成個甜品唯一敗處係醬汁太多太甜太漏......太heavy了。如果醬嘅份量少啲,或者冇咁甜,會係成為我嘅犀犀利推介......可惜可惜,未能為這餐畫上一個完美句號。 以下係佢地cafe嘅其他Menu,我覺得佢地嘅三文治 & all day breakfast感覺幾吸引,以及我朋友推介嘅松露雜菌意大利飯都好似幾出色,下次試試先。點擊圖片放大 +3 味道:★★★★✰(4/5) ☞ 一間小小cafe野食都有水準 外表:★★★★✰(4/5) ☞ 餐具好靚,擺盤有心機 環境:★★★★✰(4/5) ☞ 有懷舊Feel,係幾特別,不過有啲距離怠囉咩都唔掂得...... 價錢:★★★★★(5/5) ☞ 物超所值!大部份時間仲係任坐唔嬲 服務:★★★★★(5/5) ☞ 好多都係Self-service,但如果你豬豬咁問左侍應,佢地都好樂意幫助 廁所:★★★★✰(4/5) ☞ 得一格,如果多人要等,但空格唔算細,有啲溫馨提示,家庭式廁所 總分:★★★★✰(4/5) ☞ 作為hea hea係一流之選!環境同食物都有中上水平。唯一不足係如果唔係黎開觀塘,唔會專燈去到咁入食野囉 高興 Happinesssss Cafe 地址:觀塘成業街19-23號成業工業大廈地下2號舖 (港鐵觀塘B2出口,步行5-10分鐘) 電話:2650 0028 營業時間:星期一至日 11:30 – 22:00 付款方式:現金 **叫Main Course之後,飲品會有9折嫁,記得double check。 Facebook: @EatingJournet2West 雜食犀牛記 https://www.facebook.com/EatingJourney2West/