無論係尖沙咀行開街, 或者係尖沙咀放工放空自己。 都一定會行下星光大道, 經過四年既裝修, 宜家終於以全新面貌重開啦~ 佢本身既招牌「粒粒巨星手掌印」係放係地板上, 除左蹲係路中間會影響人流暢順之外, 手掌印仲會因為行過而有衛生問題, 宜家改左側邊流線型既扶手欄杆上, 企係側邊路唔會俾人撞到之餘, 又方便行動不便既人去打卡, 而且掂完欄杆隻手都會比較乾淨。 而且,為左令星光大道更加貼近現今電子科技, 仲加左QR CODE 同 AR , 同巨星影相打卡又得,了解下巨星們都得。 睇AR虛擬睇到悶仲可以欣賞附近既銅像, 李小龍底座加設既流水階梯仲隱喻李小龍用去水去形容截拳道既哲學。 而梅艷芳既流水階梯就岩岩好呼應佢既經典名曲《似水流年》。 玩完手掌印玩得攰攰地, 仲可以去就近既4個扇型鏤空涼亭坐下。 涼亭本身種滿植物, 坐低休息過程又可以欣賞下城市中難得既「綠洲」。 吳君如之前點評過現今既星光大道好「談情聖地」feel。 點解?因為重開既星光大道多左情侶既元素在內。 適量加入本地小店,行得食得飲得仲影得下相。行成日都得。 買完野食野飲成手野, 又想欣賞下維港景色, 仲可以去翻新係海邊加設左既「海旁情侶座」坐下。 朋友可以吹水, 家人可以親子遊, 情侶仲可以增進下感情。 「海底情侶座」設有飲品架, 邊食邊欣賞海景邊吹水。 出奇蛋都滿足唔到咁多願望。 ******************** xxx joicy Contact: joyceyau@hotmail.com.hk Instagram:https://www.instagram.com/joicybaby/ Facebook:https://www.facebook.com/joicybaby/ ********* 產品及有關資料由該品牌提供,以上全屬個人意見, 使用效果因人而異,如需協助或獲取更多產品資訊,可聯絡品牌查詢或尋求相關專業意見。