玻璃屋除咗係芬蘭會出現之外 係英國倫敦都有機會見到 仲可以係入面進餐添! 今次來到位於倫敦塔橋旁、泰晤士河畔嘅COPPA CLUB餐廳 呢間絕對係人氣no.1嘅餐廳! 我哋早在10月已經book定位架啦~ 餐廳有分戶外同室內 但來到當然是想在戶外的玻璃屋進餐吧! 我到達嘅時間是6點鐘 天色開始昏暗 我會提議如果想來到影靚相 就最好係黃昏或者太陽準備落山嘅時候嚟 因為入黑之後影嘅相會冇咁好睇 每間玻璃屋每個時段需要有6個人一起進餐 如果無六個人就可能要同其他人share~ 入面每張凳都有毛毛氈 好有冬日感覺~ 每個玻璃屋入面都有暖氣 燈光好柔和 望出去就會見到LONDON BRIDGE 食物方面都幾多選擇 價錢大概係8-20磅 屬於倫敦餐廳平均價錢 尚可接受 但連埋個景 其實算幾抵啦~ 有tap water供應 點咗個pizza 即叫即做 新鮮而且芝士味非常香濃~ 另外叫咗個羊扒 好好味! 醃得好入味 而且肉質好腍又多汁! 再配上紅石榴籽同埋番茄蓉煮茄子 連薯仔都用香草醃過再烤焗 仲有淡淡牛油香 最後就係蟹肉意大利麵 入面真係有蟹肉架 而且唔乾身果隻 啲醬汁又香濃嘅蟹味~ 另外有甜品 不過太飽啦食唔落 xb 食食下仲落雪添~ 成個氣氛都非常浪漫^^ 好有夢幻童話故事feel 點擊圖片放大 食完就已經完全入黑了 因為天氣真係好凍又在落雪 所以我哋搭咗uber返屋企 因為如果要行去地鐵站 大概需要10-15分鐘唷! 如果你都想體驗係玻璃屋內進餐 必定要預先訂位唷! 我是預早了3個多月book的! Address/地圖及訂座方法: 最近嘅地鐵站(underground)為Tower Hill! COPPA CLUB Website: http://www.coppaclub.co.uk/ ********************* follow me! xxx joicy FB(4000+fans): https://www.facebook.com/joicybaby/ IG (10k+followers): https://www.instagram.com/joicybaby/ ********* Contact: joyceyau@hotmail.com.hk ********* PressLogic專欄 http://pretty.presslogic.com/author/joicy/ ********* BeautyExchange http://www.beautyexchange.com.hk/blog/joicy Cosmopolitan http://www.beautyexchange.com.hk/blog/joicy Elle http://blogs.elle.com.hk/joicybaby Theztyle http://joicy.theztyle.com UBLOG: https://blog.ulifestyle.com.hk/blogger/joicy/ She.com http://blog.she.com/joicy/