上海浦東國泰貴賓室 小資女寫開飛行報告,就緊接寫埋貴賓室嘅報告喇∼ 今次係小資女第一次入上海浦東國泰貴賓室,所以我都有所期待呀∼ 國泰貴賓室係68號閘口~ 小資女要入去啦~~原來頭等艙同商務艙共用一個貴賓室~~ 一入到去覺得貴賓室有點暗呀∼ 因為小資女離開上海果日落雨呀,而機場設計又採用自然光,所以唔單止貴賓室,成個機場嘅候機室有點暗暗∼ 有個閱讀區 小小嘅酒水區~~有薯片,三文治等~ 跟住就黎到有自助餐飲區~感覺都不算多人~ 有汽水,果汁,著片,甜品等等∼ 甜點~小資女無試~~唔知好唔好食~ 西瓜同哈密瓜都好甜~~OK WO~ 小資姐準備泡茶~ 亦都有唔同嘅酒~感覺少左D~~ 有熱食~~忌廉湯同意大利粉都麻麻~~ 又有點心~~ 仲有杯麵~~小資姐試左一個~~話麵質唔同香港個D~~反而鍾意食~~好難理解~~暈..... 然後有個梳化區~~其實個空間都幾大~ 另外仲有個電腦工作區架,因為小資女唔係公幹人士,所以唔關心到連相都無影∼ 哈哈哈! 見有D新奇野, 小資女去拎黎試下先~ 小資女拎左嘅就係小餛飩! 小資女覺得小餛飩出奇地好食呀!甚至比機場出面小店嘅餛飩好味呀∼ 小資女誠意推薦大家試下∼ 總結一下, 上海浦東國泰貴賓室嘅寬敞舒適度梗係唔夠香港主場果個咁好喇∼ 但都已經算唔錯架∼ 小資女Facebook: https://www.facebook.com/Camcamlife/