紅酒, 番茄, 牛肉呢個配搭真係好方便呀! 學識之後可以煮上次分享過嘅掛汁肉醬意粉, 早兩日煮咗 (好好味嘅) 紅酒燉牛肉配薯蓉, 今晚用剩返嘅免治牛肉煮意式肉丸, 已經唔駛用食譜都煮到了 :) 不過我寫低咗我用嘅所有材料同做法, 大家可以試試! #紅酒隨便買支最平嘅或者平時飲唔哂嘅就可以 #學識一種食譜可煮出多款美味西餐 材料: 番茄蓉 番茄(小)4個,切小塊 橄欖油 2.5湯匙 蒜蓉 1茶匙 松子仁 一把 肉丸 免治牛肉 300克 鹽和黑胡椒 適量 麵粉 少許 迷迭香 少許 水 100毫升 紅酒 50毫升 茄膏 1湯匙 羅勒 適量 巴馬臣芝士 適量 做法: 免治牛肉以鹽和黑胡椒調味,加點麵粉和迷迭香,攪勻後搓成6粒肉丸,再在外面撲上一層薄薄的麵粉 點擊圖片放大 番茄、橄欖油、蒜蓉、松子仁放入攪拌機打成番茄蓉 煎鍋以中火燒熱油,放肉丸煎10分鐘。如果肉丸外層燶得太快,轉為慢火。煎好後上碟放一旁備用 在同一個煎鍋,加入番茄蓉、100毫升水、50毫升紅酒、捏碎的羅勒,煮滾後轉慢火煮15分鐘。在最後5分鐘加入煎好的肉丸、巴馬臣芝士和更多羅勒。如果番茄醬太稀,將少許麵粉與水溝勻,逐少加入同煮直至番茄醬變稠 上碟後再加點羅勒和巴馬臣芝士便成 註:唔想自己整番茄醬咁麻煩的話,可以用超市買嘅現成番茄醬,或者用罐裝番茄蓉亦得。 =========================== 更多食譜及英國生活分享: https://www.facebook.com/janicescookbook