大家知道今日係”美國冬甩日”嗎?美國好多大型冬甩店例如Dunkin Donuts同Krispy Kreme都會免費派冬甩, 我哋都有應吓節, 在家自製冬甩! 新鮮做好嘅冬甩熱辣辣的, 入面仲係好軟, 超好味! 好多食譜都要用特別嘅麵粉或者酵母, 我選呢個簡易食譜就只需要普通白麵粉, 如果屋企無圓形嘅餅模, 可以好似我咁用個茶杯嚟將冬甩cut出嚟, 中間細d個圈就用樽蓋, 一樣得! Happy Doughnut Day!! 材料: 糖 1/2杯 泡打粉(baking powder) 2茶匙 鹽 1茶匙 蛋 1隻 牛油 2湯匙,先熱溶備用 牛奶 1/2杯 麵粉 2杯 油 肉桂粉 糖 做法: 在大碗中混合糖、泡打粉和鹽 加入雞蛋、牛奶和已熱溶的牛油,攪勻 逐少加入麵粉,攪勻。麵糰應該很柔軟,但如果太黏手,再逐少加入少量麵粉 蓋上保鮮紙,放雪櫃冷藏一小時 從雪櫃取出麵糰,同時在一大鍋中開始加熱油 先取一半麵糰,在檯面掃上薄薄一層麵粉,將麵糰壓成約1/2寸厚,用餅模切出圓圈。再於中心切出小圓圈點擊圖片放大 將冬甩輕輕放到熱油中。油炸時翻轉幾次,大約2-3分鐘後呈金黃色便可取出 將冬甩放在廚房紙上,吸去油分 將糖和肉桂粉混合,均勻地沾上在冬甩上便成 =========================== 更多食譜及英國生活分享: https://www.facebook.com/janicescookbook