食泰菜?! 第一時間就諗到會去九龍城, 基本上條條街都有泰國菜, 選揀勁多 可是....算得上有水準, 有口啤我會即刻想到有幾個名 黃珍珍, 金寶同隆姐 不過每次去親九龍城都塞車人多, 好多時都要等候入座 其實去尖沙咀The One 的Cambo我覺得坐得更舒適舒服 此店都是金寶同一集團呢~ 習慣早少少吃夜飯, 唔使同人迫, 又唔使點等位 當日6:30PM, 即刻有得入座 未入座前門口已擺置"本店推介"的大MENU, 很吸引 門口也有MENU, 睇過o岩食先入座 樓底高, 而且裝潢感覺新潮 座位比九龍城店更闊落, 坐得更舒適 可能太耐無食泰菜的關係, 又眼闊肚窄 兩個人竟然點了5道菜 先有前菜: 泰式酸辣鳳爪 HK$54 老實說, 侍應送上的一刻, 我同男友都覺得份量頗細份 只夠2-3人吃, 配料多過主角 還好鳳爪造得很入味, 也非常之夠辣 叮囑: 怕辣的朋友不要吃呢~ 第二道: 泰式少椰菜苗 HK$59 都是2人份量吧, 有點少 椰菜苗很有咬口, 但沒有渣的 通常只有泰國菜先吃得到 這個雖然會看到鮮紅色的辣椒, 但不辣的 來金寶, 醬爆蝦丸必點是常識吧! HK$47/2粒 很記得多年前已流行吃金寶的醬爆蝦丸 大大粒, 炸到金黃色, 上檯都聞到炸蝦丸的味道 不過吃蝦丸時真小心, 我建議不要大大口吃下去 要不然, 你的咀唇會不保 因為它真的很熱很熨口 而且會爆醬的 所以我會切開後待涼一點才吃 所謂的醬爆, 丸子入面是蝦膏來的, 很鮮味 蝦丸蘸上甜酸醬會更惹味, 鐘意食香口炸物的我, 很喜歡~ 金寶的招牌菜, 依然坐穩! 在門口大字推介的青咖喱, 加上有我喜歎的軟穀蟹, 當然也要試試啦 沒想過法包是一條, 以為得幾片, 軟穀蟹也是分開上, 起碼有4大件, 下面是炸過的薯仔墊底 呢道菜很抵吃! 才HK$85 青咖喱是有火慶熱的, 內裡的材料也不少, 有青瓜, 茄子, 豆角及香料等 要讚的是其法包, 真心超級好味, 雖然吃到尾升已飽飽, 但我也忍不住要多吃幾口 上檯時還暖暖的, 外脆內軟, 很有法包的水準 最後要吃飯才能飽肚的男友, 點了菠蘿焗飯 HK$85 顏色很吸引也鮮艷, 有紅, 有黃又有綠 眼看3隻大蝦在面已屬驚喜 估唔到飯中也有很多配料, 雜豆, 火腿, 紅腸粒都有, 還有主角大粒的新鮮甜菠蘿 飯的質感不錯, 不會很濕漉漉的, 唔錯~ 地址: 尖沙咀The One 403號舖 訂座電話: 2718 6022 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi