好耐無食自助餐啦, 一黎自己唔算大食, 二黎價錢唔平 有平果啲又預咗款式少 不過最近有位住荃灣嘅朋友介紹位於汀九汀蘭居的『BAY'S KITCHEN & BAR』比我 最貴都是$488 (需加一服務費), 而家仲做緊7折優惠, 超抵!!!! 佢話已經有海鮮、刺身、生蠔等等美食 心諗: 係咪真先?! 自己也上網搜尋過, 見啲相都唔錯, 一於同男友當拍下拖, 順便滿意佢嘅大肚腩啦~ 晚餐於6:30才開始, 早到的我們在露台欣賞汀九的黃昏美景 (極少來這區) 最近一到假期就有大型活動, 汀九會是比較安全及寧靜 餐廳位於汀蘭居的地面樓層, 經過接待處後便是 餐廳面積比我所想的大, 容納量多 當晚聽到有客人想walk-in, 但侍應說已滿座, 估不到不是大時大節都咁爆 裝潢是走簡約風, 新淨不殘舊 開動之前我行了一圈 wow....果真, 我朋友說的沒錯, 種類很多, 沒想過這個地區+這個價錢會有如此多食物選擇 冷盤的海鮮類, 眼看已有4款 很少見的蟹都有... 由於我哋坐近呢區, 眼看refill速度快, 讚! 點擊圖片放大 海鮮我就最鐘意, 每款都試下 最正係醬汁都有好幾款比客人任拎, 自己鐘意配咩汁就咩汁, 我揀呢款有點像泰式辣汁 螺肉同蝦肉都係爽口的, 青口就沒特別 蟹殼入面有勁多膏, 是實淨有口感的那種, 我最鐘意 食完第一碟已有驚喜 然而, 即開生蠔也是這裡的賣點, 經常有人龍 每人每次限取2隻, 因為我食得慢嘅關係, 呢4隻都係男友拎返黎 唔細心嘅佢緊係唔會留意咩產地啦, 食落係Creamy質感, 大小適中, 又唔會太咸, 啱我口味 冷盤都有好幾款 日本刺身壽司起自助餐中都會常見, 呢度提供4款魚生, 仲可以一次過拎齊4款添 男友話新鮮無筋 火腿類都有很多選擇, 有不風乾的 留意返, 連細微的伴菜: 醃菜 都提供, 這是廚師的細心 也有風乾的 最驚喜係....大家見到果個芝士輪嘛?!! 芝士迷嘅我畢咗好多出黎混入沙律一齊食, 超超超正!! 除咗芝士輪外, 仲有其他芝士架, 當然我食齊咁多款啦 沙律菜的種類也多, 醬汁也多選擇 很少提供的小豆苗BB也有, 而菜的新鮮度高, 沒有锈色也沒枯黃 順帶講講, 自助餐有不同茶包及咖啡提供 (是自助的), 但每位客人也包1杯凍飲 凍飲可選: 汽水, 橙汁, 蘋果汁, 啤酒 至於熱葷....眼看大約有10款, 也有中西湯供應 另一邊仲有燒烤串燒等 可是, 我的肚子沒機會放置它們, 因為想留肚吃甜品 :P 入座前看到這裡的雪榚是由Mövenpick供應....係咪要留肚呢~ 喂....唔係得普通嘅朱古力, 雲尼拿, 士多啤梨架, 都起碼有8-10種口味, so crazy!! 雪榚櫃隔離就係甜品櫃啦, 擺出黎都有啲心思架 由於太飽嘅關係....我只揀咗呢幾款 左邊的crumble pie以為會好甜, 原來又唔係, 中間有d酸酸哋嘅莓, 所以成件食哂 右手邊果粒比我想像中好味, 個樣以為好硬, 原來佢係泡芙, 中間有d cream, 不過我食得太雜亂, 所以無留意係咩味, 而雪榚就緊係唔使講啦, 2個字"好味"! 整體黎講真係好滿意, 絕對無諗過$500有找嘅dinner buffet係高質, 而且多選擇又新鮮嘛! 可以再encore!! 地址: 荃灣汀九青山公路汀九段123號汀蘭居地舖 訂座電話: 29451138, 29451139 希望你們喜歡我的分享 如有問題, 可留言或電郵給我 issiyyi@gmail.com ★http://issiyyi.theztyle.com ★http://beauty.qooza.hk/u/IssiYyi