其實我真係好鐘意香港呢個地方, 除政治外, 可說是為一個福地, 想要乜有乜, 大部份國家嘅菜式都有 其中一款是很多香港人都鐘意食的: 泰菜 今晚就同幾位朋友來到尖沙咀區的泰燒遙 (食泰菜唔一定要去九龍城架) 幾位朋友吃飯的好處就是大家可以每人叫一兩個餸, 大家都可以試多一點點 食泰菜又點少得鮮椰青呢~ 鮮椰青有解渴解辣作用! 老實說, 平時飲椰青都會刮起入面d肉來食, 但通常食幾舊就唔會再食 但今晚在泰燒遙這個, 我同朋友都一致認同椰青肉是非常的滑嫩, 好似一入口就會"sir"落喉嚨嘅感覺 看我刮出來半透明的椰青肉就知唔會係硬繃繃的啦~ 第二樣我每次吃泰菜必點的: 生蝦刺身 賣相都比一般泰式餐廳來得特別, 1盤8隻用shooter杯盛裝著 每隻生蝦都浸浴在青綠色的泰式辣汁當中, 吃的時候更入味 醬汁中有薄荷葉, 把蝦帶出更鮮味道~ 如果怕辣的, 可以先把醬撇走 雖然我不算吃得太辣, 但有點犯賤, 別泰菜就是要辣架嘛 這生蝦夠大隻, 唔呃稱! 食落口很爽, very good!! 今晚點嘅大都是海鮮, 變咗泰式海鮮餐咁 第二碟是鮮辣香茅蝦 $78 賣相都很潮, 唔似平時食開的一碟上, 同朋友左撩右撩先搵到隻蝦出黎 泰燒遙用大匙羹裝起每一隻蝦, 大家唔使爭, 蝦的圓周係頂住大匙羹的 當中都加入大量泰菜常用的香料: 香茅, 辣椒 及檸葉 火紅的顏色都知佢應該是辣過生蝦刺身, 雖則大家都是蝦, 一生一熟, 口感味道完全唔同 但兩者都是新鮮爽口, 都是不用拆殼, 愛蝦的朋友一定會鐘意 哈哈, 泰式海鮮餐的第三款海鮮: 燒原隻鮮魷 唔係BB size, 附上的是咖哩醬汁, 其實點番生蝦刺身既青薄荷汁都可以, 或者咩都唔點都得, 都好好味! 而且一啲都唔橡筋, 係好易"趙"得開 食泰菜離不開都要點的沙律系, 今次唔食木瓜沙律, 試試都係爽口的青芒果軟殼蟹沙律 原隻炸軟殼蟹, 配上酸味味又爽口的青芒果絲, 非常之開胃, 好啱我口味 泰國的沙律都是帶點辣的, 其實有點像木瓜沙律, 當中都有花生粒, 洋蔥絲 幾款餐前小吃食過後, 主菜出場啦 我地見個幾得意就點呢個啦: 泰式爆炸豬手 平時起泰國食既豬手飯都係炆到淋一淋, 而呢隻係炸到外皮脆卜卜的 食燒豬, 個皮就是精華, 雖則係肥, 不過食咗先講啦~ 配的是咖哩汁, 食時就無咁dry啦~ 仲有d伴菜, 唔係淨係得肉架, 咁大隻每人食一舊都 KO 了~ 泰式爆炸豬手係泰燒遙既招牌菜呢 另一份主菜: 密沙文咖喱牛肋條, 佢唔似印度咖哩, 唔會太香又唔太辣 牛肋條會切成一粒粒, 份量都唔少, 又有薯仔 牛肋條既肉質好淋身, 唔會痴牙, 推介! 多餘既醬汁可以點第二啲食物一齊食, 唔怕浪費 食咗幾個肉, 無菜又點得呀~ 泰式燒肉炒椰菜苗, 菜苗翠綠, 唔知點解每次食親呢個菜都覺得好有趙口, 不過佢又唔係老, 唔會有渣 純粹想點個菜平衡番今餐吃的東東 來到尾升, 華欣炒河 這個是豬肉片炒河, 唔辣的, 但就沒太大特別! 是因為怕無澱粉質落肚, 會好快餓而點的 吃飽飽, 來個飯後果及甜品 飯後果是串燒菠蘿, 上檯時已很香, 其實菠蘿都有解辣作用, 唔食得辣既朋友, 可以早啲點 呢幾串菠蘿真係不得了, 係好甜, 一定唔係浸過糖水果種甜, 好難得食到咁甜既菠蘿, 真係好好味!! 甜品本想點芒果糯米飯, 但朋友話咩都想試下, 就點咗份甜品拚盤 一共六款泰式甜品, 左邊兩個成日都會食到的西米榚 中上的是椰青榚, 食落清甜, 口感似大菜榚, 幾好味! 中下的是用綠豆造的榚點, 煙煙韌韌, 入面真係好多綠豆, 上面有d椰絲同花生糖碎, 好有趙口 右上椰汁木薯, 老闆說是泰國人最愛的甜品, 佢既口感似蕃薯, 好多纖維的, 有益的食物 最後右下是泰式雷沙湯丸, 五顏六色的小粉團, 口感煙韌, 有啲似台灣粉圓, 都係加埋花生糖椰絲碎一齊食, 都幾特別 咁多款黎講, 我最鐘意就係泰式雷沙湯丸同埋清清地既椰青榚 據我所知, 泰燒遙下午仲有推出泰式下午茶, 睇openrice介紹都唔錯, 有機會下次試試先~ 地址: 尖沙咀諾士彿臺1號5樓 訂座電話: 2721-9898 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi