揮揮手和老友一家告別,人在荃灣路不熟,只知港鐵站的方向,左穿右插也就是了,走走下,通過一個公園,我有點驚奇,鬧市中竟有一座如斯古香古色的公園,忍不足望多兩眼;好一座中式的庭園, 錦鯉池、拱橋、九曲橋,蓮花池,還有一圍圍老人家在下棋吧?馬上Google一下,原來是賽馬會德華公園。 穿過賽馬會德華公園,就看到一個去觀塘的小巴站,我猶豫了一下,就決定坐小巴好了,乘坐港鐵可要花上一個小時。 小巴好少乘坐,一直是印象不好,司機總是趕頭追尾...... 一上車,嘟一聲八達通,就坐在側邊的單人坐;有個女士挨在車門問:會在 「開源道」 落車嗎?司機猶豫了一下才吞出個字來:不熟悉...... 我一聽,打了個突,呢架車不是行走觀塘嗎?開源道竟然唔識?!也許是行走專線的關係吧? 我一看,個司機好後生,目測應該只有三十多歲...... 大劑!小巴,還要是個年輕的司機,我心中有點憂慮,甚至想直接落車算了,想還想,身體卻一動也沒有行動,果然身體很誠實!還是扣好安全帶吧! 喂大佬!駛唔駛追咁貼?係咁追住前面另一架小巴,知你想爬頭啦!目測一個車身嘅距離都唔知有無,仲左穿右插;所謂只要有恆心,鐵柱都磨成針,幾次穿插,終於俾機會你爬頭啦!兩車拼排而行的一刻,估到你啦!望咩望?仲望另一架小巴司機,知你威啦!唔應先望下你身後果十六位乘客,呢架唔係賽車啊! 玩完爬頭仲未夠喉,完全無視車速,時速明明不可超80,你仲一超再超,個速度顯示器已一叫再叫,不但無視仲當聽唔到,仲唔拍你片? 生死時速,生命悠關,全程除左拍片果幾秒,我一右手捉實前椅背個手握,左手捉實窗口技鋼管,真係兩手準備;仲在腦海中預演,萬一有意外,如何快速地兩手抱頭向下...... 最後車未到觀塘,已在牛頭角站落車,咔嚓一聲,拍張相先!小巴都係少搭為妙!