將軍澳中心裝修完多左咁多食肆緊係要慢慢試下。今次黎到一間叫大茶飯既舖頭,聽個名仲以為係港式茶餐廳,入到去原來係台式食品黎,岩晒我口味。 鹽酥雞配迷你肉燥飯 -鹽酥雞勁好味,香脆可口,下次識叫要一碟慢慢食 小食-芝士蘑菇雞翼-咁岩同枱另一位鐘意食芝士,就叫呢個小食佢試下,點知....佢既評語話,太多芝士喎。鐘意食芝士可以下。 狂風浪蝶蚵仔酥-本來以為係蚵仔煎,不過店員話似港式蠔餅(即係炸脆既一大塊喇)結果係一粒粒既炸蠔仔=蚵仔,自己就覺得好味,但食多左就覺得都偏鹹,應該同飯一齊食就very good喇 小食-炸花枝丸-彈牙好味,如果上邊既調味粉可以自己以自己既喜好黎加就再貼心d喇。 甜品-黑糖芋圓仙草凍,芋圓正到爆,如果可以多d就好 飲品-黑糖珍珠豆漿 -估唔到又幾好味 飲品- 波濤洶湧奶茶-其實佢就係珍珠奶茶喇。