《親子廚房 – 碗仔翅》

前幾日煲粥就教咗大家 用 #史雲生 豬骨湯煲 。如果大家有留意都會發現,兩間大型超級市場而家都做緊特價, $16.9就會有兩盒史雲生湯。

咁用咗一盒嚟煲粥,淨番一盒可以做咩呢?我就拎左黎整 #碗仔翅。碗仔翅我哋一家人都好鍾意食,做法都好簡單 ,材料好隨意,可以用屋企現成有嘅嘢。好似今次咁,平時嘅碗仔翅多數落豬肉絲,但係因為今次我買嘅係豬骨湯底,而屋企有雞脾肉係度,所以我今次碗仔翅就係雞肉絲,咁當然你想食番豬肉都無問題,同樣有雞湯落豬肉都得,好隨意。

除咗雞肉

我仲加咗白木耳、冬菇、粉絲同埋雞蛋。

做法相當簡單:
1)將所有材料 浸透切絲,
2)雞肉醃入味,
3)豬骨湯加水(鐘意濃可以全湯)煮滾,
4)落 #冬菇絲、#白木耳絲、#粉絲、雞肉煮熟,
5) 調味,加老抽上色。
6)#馬蹄粉 開水,加入煮滾
7)加蛋花,關火。

食時依個人口味加麻油、 胡椒粉 同浙醋。
簡單碗仔翅完成喇。

如果鐘意食魚肉都可以加,不過魚肉要先煮熟, 撈起備用。 待碗仔翅完成才加入魚肉一同食用。

* 而家小朋友咁得閒, 可以變成親子廚房同佢哋一齊整。 木耳冬菇浸透之後 畀佢哋幫手, 用較剪剪成絲。
最後落雞蛋佢地落,大人負責攪拌成蛋花,佢地都好有滿足感架。 #一齊動手煮小食 *

#親子廚房 #零失敗 #學煮餸 #學自理  #真好味 #抗炎活動 #有得食  #假日親子活動 #親子  #香港媽媽  #親子活動 #親子假期 #小食 #自己茶點自己做 #foodie #消閒 #新手廚娘 #blogger #hkkol #hkblogger #hkmama #hkmom #親子育兒 #hkmomblogger #parents #hklifeblogger #親子blogger  #foodie #CoolHKer #穎霖周圍遊

This entry was posted in 中國菜, 家常小菜, 街頭小食. Bookmark the permalink.