因為在觀塘區工作的關係, 有時收工後都想在附近同同事/朋友飲杯野或者食少少野先走, 但又成日都覺得觀塘沒有比較causal些的bar & restaurant的選擇, 直至找到這間漢堡包店。因為我公司跟巧明街不算太近, 都沒有發現這邊起了一個food court, 有別於香港常見的food court, 這兒的餐廳感覺比較chill, 屬於可以快食又得或者坐底飲住野慢慢食同傾計又得的餐廳 點擊圖片放大 這間Moo Moo 有室內以及室外的座位, 室內同一般新式的漢堡包小店差唔多, 我自己就比較鐘意室外的座位, 一來感覺relax d,, 二來現在秋天時份, 晚上坐在室外食晚飯同飲野感覺好舒服, 加上Moo Moo一直都播住英文pop songs, style係有點像bar & restaurant點餐可以用點餐機或者直接落單。這兒的漢堡包價錢大概都是$60-69左右, 以這個質素同環境, 價錢十分化算。點餐後員工會叫收據上的number, 叫到你的number就可以去拎 我們兩個人叫了兩個漢堡, 一份小食以及兩杯啤酒, 本身想點多一樣小食但好彩最後打消左這念頭, 因為這兒的食物份量都幾大份 我自己點了最貴的這個咸蛋黃雞堡 (HK$69), 雞扒好大塊同厚, 比麵包還要大! 除了普通burger有的生菜, 蕃茄, 沙律醬, 當然不少得咸蛋黃醬, 咸蛋黃比我想像中的淡好多, 不會太咸, 但咸蛋黃的味道唔算突出。雞扒好嫩滑亦好juicy, 整得上我十分滿意, 但如果下次再來, 我會有興趣試他們另外一個滋味雞堡 我朋友就點了這個美式之堡 (HK$63), 是用安格斯牛肉做的漢堡扒, 除了蕃茄生菜, 仲加了芝士, 煙肉同bbq汁。煙肉煎到好脆同干身, bbq汁同沙律醬的份量剛剛好, 我試了一口, bbq 汁唔會係超濃超smokey同甜的那種, 對我來說剛好。 因為胃食所以叫了一份芝士肉醬薯條 (HK$39), 薯條我就不多說, 整得來說炸得不錯, 肉醬是比較淡口味的那種。其實除了薯條, 佢地有好多其他的小食都好吸引, 有好多唔同口味的雞翼, 我並見到有人點了炸洋蔥圈, 超大份同吸引! 飲品方面除了普通的啤酒汽水, 仲有多種口味的奶昔。因為我們是收工時去, 所以特別想喝啤酒輕鬆一下, 點了兩杯Asahi, 7pm前落單只係HK$55一杯。 整體來說我們都好滿意這裡, 亦覺得是值得再來的餐廳, 加上室外環境真係好像酒吧, 確係收工後黎食野飲野的好地方!