Day 159 - 170 – 9月份上半部回顧 ( 華城行宮 x DMZ x 佛谷山 ) 2016.09.01-09.10 수원(水原) , DMZ & 양주 (楊州) 呢個上半月去左好幾個首爾以外既地方,雖然周圍行,身體很疲倦,心裏郤很愉快。 雖然返緊份朝九晚六,一星期五日既寫字樓工,但都可以盡用僅有既假期去玩,算係舒緩平日既鬱悶。 華城行宮( 화성행궁) 地點︰水原( 수원) 日期︰9 月 2日 (Day 160) 華城行宮係水原既地標,同時係被聯合國教科文組織列為世界文化遺產。 呢個係朝鮮王朝第22代王正祖為了紀念他的父親. 並展現自己能力所建造的。 其實行宮面積唔大,就算慢慢行,2個鐘內基本上都行得完。 如果行埋行宮後面既八達山,大概一個下午既時間就岩岩好。 點擊圖片放大 正門入口 點擊圖片放大 +2 呢個就係傳說 600 年屹立不倒既槻木 點擊圖片放大 無錯!韓國都有宦官 點擊圖片放大 行完行宮後,梗係食個午飯先 係行宮附近有間好出名既餐廳 (唔記得影個餐廳門口,太失敗!) 唔好意思,唔記得叫咩名~~ 食完就梗要行山,呢個山叫八達山,取其四通八達之意。(由同行老師確認) 電視綜藝 2日1夜 (1泊2日) 都有來取景 登頂後全景圖 點擊圖片放大 +2 落山後 非常有特色既建築物 DMZ(Demilitarized Zone) 地點︰DMZ( Demilitarized Zone) 日期︰9 月 3日 (Day 161) DMZ 係韓戰後沿北緯38度線劃出來既國界,而呢條界則由軍事停戰委員會負責。 沿界線建立非軍事區,建立野生自然區,用來分隔兩韓。 呢度講少少題外話,如果大家撘地鐵6號線,地下會有畫鬼腳既圖 右邊"向對面既人講句祝你有個愉快既一天" (左邊個句唔多肯定) 我個團係撘6號線到三角地,再坐旅遊巴出發。 p.s.小弟 photoshop 有問題,無法 block 自己既樣再 upload 上來。 話說兩韓停戰後,北韓其實有入侵南韓既意圖,佢地就打算掘地道跨過南北38線攻打離邊境超近既首爾,可惜掘左幾次都被發現。 點擊圖片放大 第三隧道就係公開比人參觀,可惜因為唔能帶手機入去,所以無法影相比大家睇。我只可講句入面某一段係超矮,呢個係同北韓人身高有關。幾年前有個統計,全亞洲成年男性最矮係北韓,為163 cm ; 最高係南韓,為 173 cm。 呢度就係觀景台,只要入500 won ,就可以睇三分鐘 (好似係) 全景圖,如果細心望,係會見到遙遠既北韓國旗 之後就來到都羅山驛,以前有一段時間係南北韓之間有列車行駛。後來好似發生一d 事後,就中斷左。北韓個邊係會通到著名既開城工業村,為北韓重點城鎮。 究竟幾時會通返車呢?呢個問題可能係全個朝鮮半島都想知既問題 點擊圖片放大 傳說中既歐亞列車,西至葡萄牙里斯本,東至朝鮮半島 板門店,個日天氣異常地好,所以影得靚景景! 入面影返出去 本人有張相係同灰衫軍人合照,而合照位置係屋入面,但其實個位已經係入左北韓邊境。可惜 photoshop 有問題,無法 upload..... 佛谷山( 불곡산) 地點︰楊州 ( 양주) 日期︰9 月 10 日 (Day 168) 呢日同平時上語學堂既同學、老師一齊去行山。從我屋企合井撘地鐵 1 號線到楊州站,大概需要差唔多2個鐘。 點擊圖片放大 +7 點擊圖片放大 其實有段山落係超斜,係要捉住游繩上去,係幾有難度。如果你係來旅行,咁唔建議你來呢度。 點擊圖片放大 香港幾時會有呢樣野,行完山後會有支野噴,可以噴走鞋罅入面既沙。 睇緊呢個 blog 既朋友們,可 click 入以下個人 fb 專頁比個 like。https://www.facebook.com/HiguianxKorea365/ 日後個 blog 有咩 update ,fb 都會彈出通知。 你既一個 like ,就係我出文既最大源動力! 未完待續……