Day 63-64 – 搬新屋 x 漢江一日遊 x 酒吧睇歐聯決賽 2016.05.28-05.29 Seoul 呢日實在太忙同影左太多相,搬新屋之後又同朋友出去漢江玩,夜晚直落睇歐聯決賽。 雖然寫 blog 既進度大落後,諗住一次過寫2星期,但由於呢日太多相,所以都係逼住寫一日就算。 新屋入伙 今日搬到新屋住,位處於合井 (합정),接近於繁華既弘大(홍대),要揾野食野玩就超易。新屋其實好細,由其係廁所,只有10個階磚咁大,所以住左2、3 日已經唔太想住落去。但無諗過去到今日(已經係2個月後) ,我仲住係度 :) 呢度雖然地方雖小,但感覺好温馨,比我年紀仲細一年既包租婆經常搞活動比我地玩。老實講,如果唔係她的話,我應該一早走了~~ 下面係附近商場 Mecenatpolis (메세나폴리스),所有圖片都無經人工修飾。點擊圖片放大 +2 roommate 有時夜晚圍埋吹水 狗竇 漢江一日遊 呢日搬完屋後,就同班o係教會上免費韓文班識既朋友係漢江一日遊。由於大部分都係香港人既緣故,可以盡情講廣東話,特別有種親切既感覺。 涘矣島(여의도) 地鐵站 個日天氣超好 I Seoul U 汝矣島漢江公園 (여의도한강공원) 漢江人們會做的二三事 - 野餐 漢江人們會做的二三事 - 跳 hip hop 漢江人們會做的二三事 - 踩單車﹕https://youtu.be/XdLtuxhGqQM 漢江人們會做的二三事 - 享用氛香撲鼻既燒雞串 漢江人們會做的二三事 - 享用蠶蛹 (利申﹕未食過) 漢江人們會做的二三事 - 合唱表演﹕ https://www.youtube.com/watch?v=tfVXmR2qRsw 係漢江好多人都會打電話叫外賣,然後到江邊享用 叫雞熱線 - 1688-9922 call 我 聚餐幾經辛苦終於到齊 - 炸雞、Pizza 配可樂 食下講下,話咁快就到黃昏 夕陽無限好,只是近黃昏 漢江既夜晚 - 人無少到,反而仲多,因為有 Night Market 炒牛肉粒 啤酒店 (好似係) 有位阿叔係度拍廣告 低清漢江夜景圖點擊圖片放大 歐聯決賽@弘大酒吧 同朋友係漢江玩左一日後,跟手直落同左個新識既法國 roommate 一齊去睇波。不過歐洲人可能生性不羈放縱愛自由,所以睇到一半就話要去見朋友,問我識唔識路返去。我當堂 O 嘴,要我呢個新搬入屋既人一個行返去距離酒吧15分鐘既屋企。好彩我認路能力超強,行一次就記得點行,唔係就死得 lor。 試問睇波點可以無啤酒 人生第一次係外國睇波 (雖然唔係現場) @ 馬體會 vs 鍠鎷 雖然心裏希望今次馬體會可以復仇成功,雖然去到互相12碼,可惜笑到最後都係鍠鎷。 C朗射入致勝12碼既 moment: https://www.youtube.com/watch?v=8Y5Sj_R8nQw 睇緊呢個 blog 既朋友們,可 click 入以下個人 fb 專頁比個 like。https://www.facebook.com/HiguianxKorea365/ 日後個 blog 有咩 update ,fb 都會彈出通知。 你既一個 like ,就係我出文既最大源動力! 未完待續……