2016.05.16-05.27 Seoul 有感於本人寫 Blog 既進度太過緩慢,所以一次過寫左兩個星期既回顧。 其實呢兩個星期都無做過乜野~~ 因為個陣仲係上 training 既期間,而且唔知最後請唔請既緣故,加上之前因為工時太短而玫賺既錢不多,所以無乜點出去玩。 呢兩個星期除左同同事食食食之外,就只有食食食…… 另外,5月27日係 sharehouse 既最後一日,個陣都有d 擔心到新居住會唔會唔慣,加上之前參觀既時候見到地方比之前既地方細…… ﹙p.s. 估唔到既係直至今日(8月中)寫緊呢篇回想遊記時候,我仲住係新屋度 :) ) 係韓國食既日式拉麵 뼈해장국 確實中文名唔知,實際係排骨湯。如果你去過韓國,尤其係明洞一d有中文服務既餐廳,有樣野叫土豆排骨湯,就類似呢個菜。呢個只係6,000 won,一d都唔辣,唔鍾意排骨既我都好鍾意! 仲可以加呢種粉,提升味道! 上面數落去第二個,只係6,000 won 돈까스모밀세트 又係韓國食日本野既時間,中文大概係吉烈豬蕎麥麵 Set。係公司附近食,呢個就相對地貴,要8,000 won。(係韓國食日本野係基本上略貴,就算質素一般都好) 삼겹살 食左咁多日本野 ,點可以唔食返韓國野呢?下面係就位於弘大的烤豬肉 (삼겹살)。韓國好多餐廳好流行無限 refill (무한리필) ,比一舊錢就可以任食肉。雖然呢間無,但都好好味,而且聽同事講,都幾出名(好似係) 韓式buffet 中午同同食韓式 buffet,盛惠 6,000 won,當然唔係你諗到好似香港個隻咁,尤其價錢咁平,當然食既野係差少少。你可以當係港式三餸飯既 buffet咁睇~~ Kebab 係梨泰院出名多外國人,係呢度外國餐廳仲多過韓國餐廳 (無誇張),有少少似尖沙咀某一部分。梨泰院4號出口附近,就有一堆土耳其餐廳,有食過土耳其菜應該都知道咩係 Kebab。唔食過就大概講下咩係 Kebab,外面就係薄"撐",餡料就係一片片雞肉加生菜。 下面就係雞肉 Kebab (치킨케밥),價錢尚可,盛惠 5,000 won。點擊圖片放大 肉就呢舊野度"片"出來,背面有發熱爐保温。 精通韓文既土耳其大叔 繼續食食食……今次係傳統韓式拌飯 (비빔밥)同泡菜鍋 (김치지깨)。 泡菜鍋 - 無加係何 effect,畫面有d矇,係因為真係好熱,d熱氣令到畫面好矇矓。 拌前 拌後 最後附上我公司外面既夜景(上圖)同係舊居外面既最後一照(下圖) 睇緊呢個 blog 既朋友們,可 click 入以下個人 fb 專頁比個 like。 https://www.facebook.com/%E5%B8%8C%E5%8F%A4%E6%81%A9%E5%9C%A8%E9%9F%93-working-holiday-%E7%9A%84365%E5%A4%A9-1542886096013104/?notify_field=blurb&notif_t=page_profile_completion&notif_id=1464333680244762 日後個 blog 有咩 update ,fb 都會彈出通知。 你既一個 like ,就係我出文既最大源動力! 未完待續……