2016.03.30 – 04.01 Day 4-6 Seoul 第三日咩都無做過,留係屋企諗下來緊有咩要做同食藥休息下。係收入既情況下,當然係要揾份工啦!不過係揾工前,首先有三樣野要做﹕ 外國人登錄證 電話號碼 銀行戶口 呢三樣野由於網絡上已有唔少文章覆蓋,所以我只係略略講下點樣搞。 3月30日(外國人登錄證) 所需文件: -申請表 (現場會有) -護照 -證件相 x 2 -Travel Plan (即係申請 WH 個陣要交既一年旅遊計劃) -申請費 (唔記得 2萬定3萬 won) 申請者要到居住地方所屬地區既事務所去搞登錄證。所以各位要睇清楚去邊,費時白行一趟! 網址: http://www.immigration.go.kr/HP/TIMM/imm_05/imm_0507/imm_507000.jsp (韓文) 大約一個月後就可到原先申請既辦事務所領取。你都可以係辦領當日搞郵寄服務 (當然要比些少郵費) 3月31日(電話號碼) 其實尋日去左光化門 kt olleh square諗住搞埋電話號碼,可惜因為太夜收左鋪。 下圖為大門入口(圖片版權歸原作者所擁有) 內部 counter 位置 (圖片版權歸原作者所擁有) Prepaid SIM 卡 plan 月費為分兩部分﹕通話費 (為期2 個月,通話時間約37 分鐘) + 上網數據 (為期1 個月,有不同流量選擇) 限期內所有殘餘量都不能帶往下一期。最後我揀左 500 MB 一個月 (因為我無錢 sosad)。可連接有覆蓋 kt olleh wifi 既地方,後來發現覆蓋範圍都幾闊,幾乎所有地鐵範圍都有。 由於上網得知係未有外國人登錄證下,只有護照既話係好難開銀行戶口。所以特意跑左去某間大學入面既銀行搞。可惜好景不會每日常在,天梯不可只往上爬 (唔小心又打多左兩句) 一個識講英文既高級職員拒絕左我既申請。後來問韓國朋友得知,原來韓國詐騙風氣相當嚴重!連本地人申請都要多重手續,更何況我呢個連登錄證都無既外國人呢~~ 4月1日(銀行戶口) 當然,皇天不負有心人!上網得知梧木橋出入境事務所入面有間友利銀行 (우리은행) (圖為梧木橋出入境事務所門口,版權歸原作者所擁有) 估計應該好多人係個度搞登錄證後順便係個度開戶口,於是決定一碰運氣。 係個度有個女職員識講普通話。話我今日來係 “查詢” ,可以為 “查詢者” 搞準備戶口既手續。就係咁樣,我就有左 “準備戶口” 既銀行存摺。遲下登錄正式到手後,就可以為“準備戶口” 搞正式手續。 只可以講句,佢地好聰明地揾到理由~~~ 之後就會分享揾工經歷同第一份工既介紹 待續…………… 本文章轉載自 https://www.travelpop.hk/posts/%E8%BE%A6%E7%90%86%E5%A4%96%E5%9C%8B%E4%BA%BA%E7%99%BB%E9%8C%84%E8%AD%89%E3%80%81%E9%9B%BB%E8%A9%B1%E8%99%9F%E7%A2%BC%E5%8F%8A%E9%8A%80%E8%A1%8C%E6%88%B6%E5%8F%A3 版權為 travelpop 作者所擁有