Day 7-9 - 韓國揾工 x 漢江賞櫻 2016.04.02-04.04 Day 7-9 Seoul 上回講到要搞既文件大致算搞掂,而家可以疊埋心水揾工。 係韓國揾份pt,其實有好多門路。 Facebook 專頁 「韓工社」、「在韓找工作」、「奮鬥在韓國」等等 識韓文既朋友可以用韓國著名揾工網 (有手機 Apps 版) 下面有幾個可以作參考﹕(基於我韓文程度唔係好得,所以我係無用過) 點擊圖片放大 而呢幾個網頁係可以 upload 自己既 résumé 上去。 設定自己所屬既行業,相關行業既 hr 或獵頭人覺得你岩既話就會主動聯絡你。 咁做就可以節省好多時間。(當然前提係你份 cv 唔可以太差啦!) 我頭兩日sd cv 係星期六/日,無諗過呢一兩日竟然2-3份 interview。 係我堅持(盡量)唔用香港揾到既錢來生活既大原則下,無疑係一件喜事。 於是,4月4日個日我就去左見第一份工。 我見既係一份民宿,薪資就貼住最低工資時薪 6,030 won (即港紙 39左右)。 其實我唔多計較薪金,因為知道韓文唔好既待遇就係咁。 間民宿真係靚到痴線,好似去左外國度假屋咁款。 唔好意思,呢度係無圖。 諗住佢請左我之後先影相,可惜佢最後無請。 不過無所謂, The best has yet to come! Interview 完左後,適逢櫻花期,我就到漢江公園行一趟。 橫越漢江 點擊圖片放大 寫低你既願望 街頭賣藝 來自星星的你 未完待續……… 本文章轉載自 https://www.travelpop.hk/posts/day-7-9-%E9%9F%93%E5%9C%8B%E6%8F%BE%E5%B7%A5-x-%E6%BC%A2%E6%B1%9F%E8%B3%9E%E6%AB%BB 版權為 travelpop 作者所擁有