趁天氣開始有點秋意,一於約埋三五知己來過長洲慢步遊。 來長洲玩除左食大大粒魚蛋同芒果糯米滋外, 仲比我發現左一間幾有型格既泰式小店,可以慢慢hea住吹下水, 嘆杯野或者食個brunch! 呢間泰式小Cafe叫「青流」。聽個名都知型! 由幾個年青人主理,店舖細細,但裝潢獨特,而且播住輕鬆音樂,份外有格調! 點擊圖片放大 店內仲有個小小角落賣一些衣服同飾物,當然重點係佢地既泰式小食啦! 點擊圖片放大 我地點了手撕海南雞飯(HK$35),泰式炒金邊粉pad Thai(HK$32), 芒果煎糯米飯(HK$32),香蕉pancake (HK$22), 單腸熱狗(HK$15)同幾杯特式飲品,簡直平靚正!! 海南雞飯夠正宗呀!雞肉都幾嫩滑,加上酸辣秘製醬汁特別惹味! Pad Thai就比較普通!! 熱狗熱辣辣,仲可以配兩種醬汁!真係好抵食! 自創既芒果煎糯米飯,糯米飯煎完好香口,小小脆同又有d煙韌!好好食呀!呢個推介呀! 香蕉pancake無得輸,朱古力醬同煉奶係絕配!! 檸檬蜜糖梳打 (跟食品HK$12) 清甜又滋潤!配埋個大湯碗好正呀~夠哂特別!! 蜜糖雲尼拿茶(跟食品HK$10)同檸檬薑茶,前者味道比較甜,後者就有濃濃既薑味, 兩款都唔錯,同埋仲可以無限添飲! 下次入黎長洲,記得黎「青流」過一個愜意的週末! 【店舖資料】 青流 長洲金銀灣金豪閣10號地下 +++++++++++++++++++++++++++++++++ Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food Contact: workshopheihei@gmail