最近天氣都非常非常炎熱,幸好,夏天為大地帶來綿綿冰!!! 又咩開心得過飯後跟女朋友/男朋友/知己好友/屋企人去碗食碗sweet到漏嘅甜品! 估唔到洪水橋有間叫「大飯糖」嘅甜品小食屋,地方都幾大,又新淨!!! 呢度除左中式甜品、西式甜品、消暑飲品、寒冰之選等等... 款式多之餘,原來仲有小食!!! 叫左個楊枝金露綿綿冰(HK$54),再加爆珠(HK$6) 份量都幾大,仲好足料呀!兩個人食岩岩好! 配料有西米露、芒果、3.6軟雪糕、金柚、綿綿冰、芒果汁,爆珠!! 綿綿冰好濃芒果味,好有層次,入口好綿,有即溶嘅感覺! 芒果好新鮮好香甜,3.6軟雪糕好香牛奶味,而且好滑呀! 爆珠一咬開,原因就係充滿益力多味!酸酸甜甜,好正! 另外,咖哩拼盤(HK$22)有魚蛋、腸仔、牛丸、豬皮、籮白,咖哩汁小小辣,唔錯! 香滑腸粉(HK$8),HK$8有咁大碟,好抵食,而且腸粉好滑,個麻醬好濃!我鍾意呀!!! 有鹹有甜,好滿足!!有好野當然要推介! 仲夏夜,多左呢間「飯糖 」,一D都唔覺熱,而且仲有一陣陣涼快感覺! 我要用d時間慢慢試齊呢度嘅甜品。 點擊圖片放大 【店舖資料】 大飯糖甜品小食屋 元朗洪水橋大街1號德祥樓25-26號地舖 星期一至日: 16:00-01:30 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com