放工即興約埋班好朋友去食飯。 麻甩佬朋友推介去食附近嘅江記海鮮菜館,小菜、海鮮、啤酒樣樣有! 大家坐埋一枱,吹住水啤一啤,確係男人之間嘅浪漫。 可能小女比較豪邁,所以都好明白男人嘅浪漫!!哈哈XD 先黎第一道餸 - 手抓茶香燻走地雞 (HK$148) 熱喇喇, 上枱時還有火,而且好香茶葉嘅煙燻香味! 雞肉好嫩滑,有小小鹹香,雞胸肉一d都唔「鞋」口。 成隻上,要點食呢! 麻甩佬朋友親身示範點食至夠豪邁! https://youtu.be/s8UCrcYokkw 撕開仲有肉汁,而且唔肥膩!!要趁熱食!但小心熱親對手呀! 呢個蛋白蒸花蟹(HK$118)仲抵食!花蟹好清甜,蛋白滿滿蟹汁!!好滑溜!可以餸白飯! 呢個送啤酒一流嘅黃金鴨舌(HK$98),外層鹹蛋黃炸得好香脆,同鴨舌好夾。 燒釀焗原條茄子 (HK$88兩條) ,茄子釀了魚肉,條茄子好入味,成條饅魚咁! 金磚豆腐,外脆內滑,好正! 醬燒豬頸肉(HK$48),豬頸肉燒得好香口,醬汁幾惹味! 其實仲有好多餸好想試!!!!老友,我地再約下次! 點擊圖片放大 +3 【店舖資料】 江記海鮮菜館 深水埗醫局街161號地下 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com