住係紅磡嘅朋友,應該無人唔知「新大光燈」。 呢間雲吞麵舖就係開係殯儀館附近! 有時去開紅館睇show都會走去食碗細蓉!! 佢地呢碗鮮蝦雲吞麵(HK$30)真係無得頂,好彈牙好爽口。 蝦同豬肉比例係7比3!蝦好新鮮,皮又夠薄,雲吞餡約隱約現咁~好鬼吸引! 柱侯牛筋米(HK$32),牛筋好入味,而且夠腍,有咬口! 輪到我最愛嘅炸兩(HK$28)出場,真係超好味!油炸鬼好脆,腸粉又夠滑。 加埋甜醬、麻醬呢個配搭,好食到停唔到口! 朋友鍾意食呢個巷仔炸醬撈麵(HK$37),炸醬好惹味!! 有勇氣嘅朋友可以試埋以下呢款招牌火鴨絲豬潤腸粉(HK$27)! 一聽個名就知古怪!!呢度d阿姐話呢款好多人叫...好出名!所以一於試下! 確係味道幾特別,而且好足料, 但我不太好這個味道,不過我信有識欣賞佢嘅人!哈哈! 下次黎,可以試下d粥呀!! 【店舖資料】 新大光燈 紅磡必嘉街69號E舖 星期一至日: 11:00-01:00 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com