細細個已經好鍾意食阿媽煮嘅肉餅飯,斷估唔到竟然有人張肉餅呢味餸發揚光大。 仲要發揮得好有創意,肉餅原來可以配搭好多唔同嘅食材喎! 我講嘅就係呢間「肉餅哥」,聽個名都知係肉門專門店啦~ 呢個龍蝦肉餅飯(HK98),加$2轉左菜飯! 而肉餅係可以揀煎或者蒸嘅~ 原隻龍蝦上真係好有霸氣呀!!!睇見都流哂口水! 最重要係,中間的肉餅已經同龍蝦肉融為一體!! 食落去真係有啖啖龍蝦肉!! 其實成隻龍蝦確係幾大隻,睇隻蟹鉗就知又大又有肉地!! 咁創新嘅配搭,確係無得頂!! 個菜飯仲好多菜呀!好健康咁.... 而秘制黃金沙肉餅飯(HK$58)我就加$2轉埋油飯試試! 金黃色既咸蛋黃煎過特別鹹香,而且D咸蛋沙鋪滿哂成塊肉餅!! 絕對係好邪惡呀~但真係好香好惹味!可以撈哂成碗飯食呀! 跟餐送湯,但個湯就無咩味!! 所以另外叫左支鮮果汁!石榴汁(HK$18),跟餐就HK$12! 石榴汁好Fresh,唔太甜,幾好飲呀!! 下次再幫襯「肉餅哥」,要試下其他特別肉餅!! 提下大家晚市6點黎到,就唔洗等咁奈,之後就好多人排隊等食飯!! 點擊圖片放大 +2 【店舖資料】 肉餅哥小炒料理 荃灣聯仁街28號康睦庭園地下3號舖 星期一至日: 11:30-15:30; 18:00-22:00 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com