「冰室」係香港已經愈來愈少... 呢間老鳳冰室打正旗號以懷舊香港風作裝修同佈置, 店內貼滿一些懷舊電影海報,帶大家走進香港嘅70年代。 點擊圖片放大 +3 雖然舖內大玩懷舊風,但食物方面係有d噱頭! 睇得出老闆係比左好多心思落去!睇食物名就知好盞鬼喇! 坐底以為無meun咁就錯喇!原因menu好似封信咁係郵箱入面! 我鍾意土砲小食,叫咗個黑松露炒蛋多士(HK$38), 多士係厚切,炒蛋好香滑,配埋黑松露真係完全配搭。 之後仲可以叫埋杯懷舊雪糕紅豆冰(HK$24), 如果星期一至五2:00-6:00後就加(HK$14)! 呢杯紅豆冰夠哂大杯,而且有3粒雪糕糯米糍,杯面仲有好多Cream!正呀! 另一至愛芝士雞扒撈一丁(HK$48),芝士好香濃~仲送芝士牛油厚多士! 加埋杯特飲飛仔華田(HK$14),呢杯華田唔係普通華田, 有Cream、阿華田餅、阿華田粉、胚芽同可可米片, 大人小朋友見到都開心,好滿足呀! 如果唔叫小食,其實Lunch可以叫精選套餐! 價錢大眾化~精選套餐仲成日轉款!! 缽仔蒸肉餅都好好味! (HK$38)夠鹹香,送飯一流。 芝士肥牛濃湯茄通粉 (HK$38),茄味濃,唔酸,芝士怪岩哂!! 椰香咖哩雞扒飯(HK$42),呢個好惹味,咖哩唔係好辣,雞扒炸得好脆而且唔油! 其實meun仲有好多好野!以後食飯又多間飯堂!!!正呀~下次慢慢試~ 點擊圖片放大 【店舖資料】 良記餐廳(老鳳冰室) 深水埗基隆街216號地舖 星期一至日: 07:00-22:00 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com