【嘿嘿為食記】去嘉頓麵包廠嘅嘉頓咖啡店Cake一Cake

如果要講邊一種兒時嘅餅乾陪住你長大，

我首先諗起嘅一定係嘉頓，仲要係鐵罐包裝嗰隻!

其實嘉頓麵包廠，除左可以有哂咁齊全嘅麵包、餅、糖賣之外，

地下仲有個展覽廳!

如果大家行到有d累，仲可以去埋佢地嘅嘉頓Cafe high個tea!

呢到有D好懷舊嘅Cake，叫左件什果忌廉蛋糕(HK$20)!!

忌廉好滑，入面個層海綿蛋糕好鬆軟!

仲有黑森林蛋糕(HK$20)，呢個係我細個至鍾意食嘅味道!

芝士蛋糕(HK$20)，有淡淡芝士味，唔算好重芝士，所以食哂成件都唔會好膩口!

香腸酥餅(HK$9)，覺得幾吸引又未食過，連埋杯熱朱古力都係(HK$25)。

酥皮好香牛油味，幾鬆化!

仲有好多款式可以揀!

食飽飽可以shopping掃嘉頓，

呢度有鐵罐包裝嘅雜錦餅乾，

有過年時一定要有嘅利是糖，

仲有小學最鍾意食嘅夾心芝士餅。

仲有大大波板糖，

呢度最特別係仲有嘉頓出嘅生命麵包CD同精品可以買!

我仲買左盒朱古力脆米威化(HK$23.9/一盒4件)黎試下!新產品可以一試~

係幾脆嘅，不過味道偏甜。

如果大家想一次過通通都買哂黎回味下，

咁位於深水埗嘅嘉頓麵包廠可以滿足到你!

【店舖資料】

嘉頓咖啡店

深水埗青山道58號嘉頓烘焙中心地舖

港鐵深水埗站 D2 出口, 步行約5分鐘

+++++++++++++++++++++++++++++++++

以上內容純屬個人意見。

Blog: https://blog.ulifestyle.com.hk/blogger/heiheiworkshop/

Facebook: https://www.facebook.com/HEIHEI.WORKSHOP/

IG: heihei_love_food_travel

Contact: workshopheihei@gmail.com