深水埗,其實真係好多港式小店,周圍D街坊都成日去幫襯! 呢間老字號「智多星」快餐店已經有26年歷史,係我地其中一間成日去食嘅飯堂。 大家先睇下有咩食,之後要去收銀伯伯度落單, 之後比過錢就會比電腦單你去排隊拎餐。 如果要等的話,有餐就會有人開咪叫你。 收銀伯伯雖然年紀大,但每次都充滿笑容問你食咩飯,令我覺得好溫暖啊!! 嚟得呢度,識食梗係叫生炸雞脾飯,仲要配好懷舊嘅螢光橙茄汁先至Perfect Match。 生炸雖然好邪惡但好好味,雞脾大大隻,炸得好香脆,而且醃得幾入味!! 點擊圖片放大 生炸雞脾飯連連凍飲HK$42,單叫都只係HK$37! 呢款咖哩班塊飯都唔錯,咖哩好微的香辣,薯仔好入味!而且是波浪紋,好有心思呀! 呢款栗米雞絲飯,個汁太杰了....中伏!!! 如果大家覺得成日食開大X樂同大X活呢D大集團快餐店食到厭倦, 不仿過來舊式快餐店食下舊時港式嘅味道,支持一下!! 希望這些小店不要太快被淘汰.... 店舖是舊式裝修,七八十年代的風格,大大的餐牌貼在牆上, 學生嚟食,仲有學生餐價錢呀~抵呀~可惜我唔是學生哥了! 智多星 深水埗營盤街 145 號地下 港鐵長沙灣站 A2 出口, 步行約5分鐘 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_food_travel Contact: workshopheihei@gmail.com