【嘿嘿為食記】抵食雞煲+海鮮火鍋,真.原隻波士頓龍蝦湯底

想打邊爐,唔一定要等天寒地凍嘅,

只要齊腳,約埋三五知己,想幾時打就幾時打啦!!

呢間位於觀塘區嘅火鍋店,真係去食過一次就反唔到轉頭,

每次一諗起打邊爐同雞煲,就係去食倫哥私房菜!

舖內裝修好新淨,多人可以book細房,

而且店員態度好Nice呀!

雞煲同任食海鮮火鍋都係每位$268(有加一)!!!

仲有涼茶同汽水都係任飲呀~

最重要係用料十足又新鮮,而且每足哂兩個願望~

先黎四季豆前菜,小小辣,唔錯!!

招牌雞煲,有BB辣,小辣,中辣,大辣;

如果唔食得辣,可以叫唔辣都得!

IMG_7812

IMG_7813

呢煲係小辣,D雞肉一D都唔「鞋」,好嫩口同好入味!

雞煲食到咁上下,再倒D豬皮同魷魚落去,

D豬皮索哂d汁,惹味到暈!

IMG_7814 

食完雞煲,就黎到今晚嘅真.原隻波士頓龍蝦湯底出埸喇!

真係成隻咖!!好鮮味啊~ 

IMG_7821

IMG_7822

其實除左原隻波士頓龍蝦湯底,仲有花甲蟹湯底可以選擇~

嚟到主角喇!!!!勁足料嘅環球海鮮配料出場喇!

IMG_7815

睇樣都知新鮮啦~有生蠔、大蜆、象蚌仔、刀貝蜆、

元貝、鮑魚、海中蝦、龍躉、鯇魚等等…

呢個海鮮併盤唔係任食嘅!睇人頭每人每樣一件!!!

刀貝蜆同生蠔都好大隻,好肥美好鮮甜!!!

龍躉都好滑好有魚味!!!

IMG_7820

  呢隻真.鮑魚係有匙羹咁大咖!!!!

雖然海鮮併盤唔係任食,但係雲吞水餃、

四寶丸、響玲魚皮同蔬菜可以任叫既!

四寶丸好彈牙咖~唔係外面D cheap cheap丸!!

IMG_7817

 仲有兩個人有一碟本地手切牛頸脊,

牛頸脊口感唔同肥牛,有肉地有咬口!

如果要追加每碟$30,但都抵,因為呢隻牛真係好掂!!! 

IMG_7818

最近仲榮獲左2016中國飯店金馬獎火鍋天王至尊大獎。

食完仲有糖水送!!!咁既價錢,食到咁高質素,無得彈啊!!

 倫哥私房菜

 觀塘鴻圖道76號聯運工業大廈

港鐵觀塘站 B2 出口 (步行約8分鐘)

+++++++++++++++++++++++++++++++++

以上內容純屬個人意見。

Blog: https://blog.ulifestyle.com.hk/blogger/heiheiworkshop/

Facebook: https://www.facebook.com/HEIHEI.WORKSHOP/

IG: heihei_love_food_travel

Contact: workshopheihei@gmail.com

 

This entry was posted in 中國菜, 九龍, 家庭聚會, 情侶約會, 時令, 特色餐廳, 生日派對, 知己聚會, 食材. Bookmark the permalink.