YY 小記錄。 如果你問香港有咩玩,海洋公園一定榜上有名! 好多朋友都鍾意玩機動遊戲,但諗到入到場內要排隊就已經卻步! 有個小攻略可以令大家減少排隊時間,玩得更多機動遊戲! 雖然呢個APP 早係上年已經出左,但我諗好多朋友仔都唔知道。 大家要先下載海洋公園APP: Ocean Park Hong Kong 下載後打開,你會發現好多功能都要你入到園區兼且用佢地既Wi-Fi 先用到。 好啦,入到園區大家開開個Wi-Fi先, 搜尋園區Wi-Fi 個Wi-Fi 收得唔錯,去到好多地方都好流暢,唔會遇到上唔到網不斷跳走呢d 掃興情況。 好啦,連上佢地既Wi-Fi 後,緊係馬上預定通行証啦! 有幾個步驟要做番 1) 揀番入園既人數 2) 掃一下門票背後既code 3) 仲有要揀埋預計離開園區既時間 之後大家要精心挑選一d 你最想玩,又多人既遊樂設施啦! 留意番!每個登記團體只可以揀3 款通行証, 咁你又可能會問,例如我2 個人,分開兩張登記咪有六張通行証? 但每樣遊樂設施門口都會有職員掃讀你電話既 QR Code, 見到幾多張通行証就放幾多個人入去。 而且已掃既門票係無可能再係第2 部機掃架啦! 預留左之後,可按照佢提供既時間去玩! 如果真係趕唔切,記得禁入去改過預約時間! 因為如果無出現,系統會取消左你既申請變無效…… 就白白浪費左一張通行証啦! 提提大家要check check 通知,除左會提示大家咩野設施已經爆滿之外, 仲有通行証送呀!!!!! 我地揀左滑浪飛船,真係好正確既決定! 我地去到已經見到條隊等候時間要60分鐘,結果我地用通行証, 等左5 分鐘左右就玩得啦! 所以大家去海洋公園前,記得下載呢個APP啦, 反正都係入去,緊係要試一試啦! **** 我去個日係公眾假期黎架****