打得多邊爐最近迷上左蒸氣鍋~呢間新南苑可算是最近新寵~ 事緣係上次食雞煲見到隔離枱食得好吸引好滋味,一問之下先知原來要book位講明食蒸氣鍋先食得~話晒咁多樣海鮮,都要主廚預備下架嘛! 未食得蒸氣鍋,先有前菜同店鋪勁好地送左甜蝦刺身比我地,蝦好大隻喔~而且好鮮好多羔,正! 點擊圖片放大 --------------------- 再黎就係揀食刺身拼盤或雞煲的時候,雞件媽肥美又惹味,得意地加左油炸鬼,索晒雞煲啲汁,雖然某啲硬得很,但淋左嘅都好入味~ 點擊圖片放大 黎到蒸氣鍋啦!真係必須講,啲海鮮新鮮到爆!!由於每樣海鮮都需時唔同,所以有專人幫手整,仲要店員服務態度超親切,真係無得彈!! 龍蝦極生猛,切半放上枱一段時間,到落鍋果下都仲識跳!大羔蟹一直放左落去煲粥做粥底,一隻就拎黎蒸,點完醋食鮮味更突出~聖子王超級大隻,放左蒜蓉超正,啖啖肉又爽口~ 點擊圖片放大 +3 扇貝同鮑魚仔一人一隻,貴妃蚌就一人兩隻,全部都清理得好乾淨,即使唔點任何醬汁都已經好美味~美國蠔激肥美,蒸得時間剛剛好,蠔味散發出黎果下真係oishii~~~~蒸料仲有靚靚牛肩脊,牛味十足仲好滑嫩,堅正! 點擊圖片放大 +2 中意食菜嘅唔使擔心,可以隨便揀蔬菜拼盤或者其他,隊長B就揀左金蒜黑豚肉蒸茄子~雖然味道好清,但茄子味就好突出,蒜味同豚肉香完全滲入茄子,不澀口仲好惹味添! 南瓜排骨粥底出爐啦!粥底好清,因為加左羔蟹羔同木魚花及蔥碎,所以粥係更加鮮甜的~每人都食到2配,連埋香濃的牛奶布丁真係食到肚仔凸凸~ 點擊圖片放大 ----------------- 好味指數:8.5/10 翻啅指數:8/10 人均消費:201-400(每位$338再加一) 服務態度:9/10 (店員很細心體貼) 乾淨指數:7/10 ----------------------------------------- 新南苑私房菜 旺角彌敦道華僑商業大廈3樓 ---------------------- #hs火鍋#火鍋#hs廣東菜#hs旺角#旺角#蒸氣鍋#食好西#美食#相機食先#食評#hs搵食重點#hs中產遊#刺身#雞煲#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#Cantonese #hotpot ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me