平時好少食潮州菜,但滷水拼盤實在太讓人想念~所以今日黎左佐敦呢間真·潮洲菜大快朵頤! 點擊圖片放大 一睇菜單就知呢間餐廳唔簡單,好多第度食唔到既潮州菜式呢度都有~好似呢個反沙芋咁,芋頭酥軟的內心配上外表甜脆的糖皮,溶化喺口中暖暖的感覺真係無法言語所形容~ 特別的當然唔止呢樣,就好似店員大力推介的蒸聖子~就非常肥美,無沙好鮮,蒜蓉味細緻融合,大大隻真係好正 呢個糯米炸大腸又係好得意,可能因為入面係糯米,所以味道好似糭,口感又好煙靭,大腸衣咬落口咔嚓一聲脆~仲加左花生所以更香~ 蠔餅食得多,隊長B都係第一次見到呢款蕃茄九肚魚餅~香煎的方式,煎得很金黃,配埋九肚魚滑溜溜同菜蒲的辣脆,仲有蕃茄酸甜開胃,一啲都唔會滯,仲愈食愈滋味~~ 蠔仔粥當然唔會差啦,蠔仔好大粒,粥底夠清,仲有冬菇冬菜同肉碎好足料~ 至於不得不說的好戲滷水拼盤實在無得輸,有鵝片尤魚豆腐五花肉紅腸蛋同豬耳,全部都滷得好入味,而且上台之前有再被滷水「洗禮」,熱熱地更入味,正! ----------------- 好味指數:8/10 翻啅指數:8/10 人均消費:201-400 服務態度:7.5/10 乾淨指數:7.5/10 ----------------------------------------- 太陽軒飯店 佐敦九龍佐敦吳松街130-132A地下 #食好西#美食#相機食先#食評#hs搵食重點#hs中產遊#hs潮州菜 #hs佐敦 #佐敦 #打冷#潮州打冷#foodporn#foodreview#hkigfood#foodiehk#hongkongfood#hkfood#foodhk#hkblog#hkf