星期日好天無理由唔去郊外行下嘅☀️,唔想北上唔想去離島咁遠但又想有啲氣氛相信西貢絕對係個好選擇~ 有渡假feel仲有大大小小的汪汪,仲有海景,心曠神怡到呢~ 有靚境當然要有美食嘅,今日隊長B帶大家黎到呢度!《泰道》—享受美食應有的態度~ 老闆係香港人一定識嘅魏俊傑,平時拍戲好有要求嘅佢,原來對嘢食都好講究~ 好似呢個餐廳,喺西貢海旁行入去,繞過停車場同燒烤場⛺️,有露天同室內座位,唔介意熱的最嘆其實係坐出面,吹住海風品嚐美食✨,人生在世莫過於此~ ---------------------- 先來兩杯消暑凍飲,奇異果冰唔算太甜,亦唔會酸,粒粒奇異果籽同沙冰喝下去是很爽的~椰汁冰很濃郁,香濃椰子味很配合夏天的感覺~ 要試一間泰菜做得好唔好,泰式金邊粉可算是其中一個要點~呢度嘅金邊粉可是香濃味十足,粉質相對較濕身,完全因為醬汁巧妙滲到每絲粉條中,鑊氣很夠,花生碎同蝦乾帶來絕頂的惹味,不算太咸,加上新鮮蝦伴碟,可算是很好功夫的金邊粉~ 咁遠黎到呢度緊係要試新野嘅,就try try呢個「爆炸大頭蝦」同「泰道」啦! 兩樣菜式上菜時都係令人驚訝的,實在太大碟啦!而且賣相好澎湃! 點擊圖片放大 大頭蝦炸得很徹底,比想像中的還要乾身和香脆,肉質非常爽口,帶點辣勁,不過又唔算太辣嘅~超大一碟起碼8隻,好像食極唔完好誇張! 「泰道」黃金菜好特色,用的是水菠菜,炸得金黃香脆,咬下去卻不失菜的口感和味道~想不到菜都可以咁香「趣」~伴碟的鮮蝦經特別調味,有點辣且鮮勁非常,不得不讚不得不吃! 甜品殿後的芒果糯米飯同樣精彩,雖說飯煙靭度不算太高,但很軟糯芒果亦很甜,很喜歡❤️❤️~~ 好味指數:8/10 翻啅指數:8/10 人均消費:201-400 服務態度:7/10 乾淨指數:7.5/10 ---------------------------------- 泰道 西貢大網仔路沙下村9號地鋪 #hs隨便食 #相機食先 #美食#食好西 #食物#泰式#hs泰國菜#泰國菜#hs西貢#西貢#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#saikung#thai#thailand ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram