繼續星期日帶屋企人食好西mode turn on!! 因為「一家之主」比較中意食西餐,今次就搵食搵到銅鑼灣啦~ 銅鑼灣食野之地可能多數人都淨係諗到Times,希慎附近,但原來lee garden再行過少少,摩利臣山道都仲有其他好野食~呢間呀麥廚房就係其中一間啦~不太起眼的外圍,入面係比較家庭式warm的感覺,牆壁掛住歐式風格的相框同畫,員工態度亦好nice~ 周末都有set dinner揀,叫左三個餐,兩個upgrade左做「大蝦占米多」同「法國鵝肝配焦糖酒醋藍莓」~大蝦占好得意,蝦身入面釀左蒜蓉煙肉同洋蔥,所以味道係好香的~蝦頭仲係爆膏的,烤焗過的味道配埋忌廉汁好好味~鵝肝亦夠甘香,底層托以薄脆麵包,整個口感很有層次~ 點擊圖片放大 +2 餐湯可以選是日款式或者加錢upgrade做「蟹肉南瓜忌廉湯」同「黑松露菌忌廉湯」~黑松露係非常濃厚的~好Creamy好滿足,但南瓜湯就比想像中稀一點,而且都唔係好見蟹肉,但點隨餐附送的蒜蓉包一齊食係好夾的~ 點擊圖片放大 終於黎到主菜啦!3個人3個餐,又叫做帶兩老去威威,緊係要試到最豪~一個「德國式燒咸豬手」﹑一個「黑松露麵包蟹意大利飯」同一個「燒紐西蘭羊架」~必須講,呢3個餐的質素真係超高!!豬手超大份,一上台已經嚇親隊長B,因為最大食果個家庭成員今日無黎…係咪會食唔落…不過真係好值得推介,豬手唔算咸之餘仲燒得又脆邊又稔口,豬皮睇落去好似好肥膩,但實際係厚得黎好滑,即使唔係太愛好食肉的都會中意呢道菜~而且配菜的薯條係新鮮炸熱辣的,好香口~ 蟹肉意大利飯佐以黑松露醬,濃厚的芝士加上蟹羔香同菌香,真係不得了!!好食到要令隊長B叫出來~~~蟹肉份量都幾多,幾乎啖啖都係~意大利飯粘度剛剛好,唔會太硬或者爛~掌握得非常好!至於羊架呢個價錢呢個質素有4件真係抵讚!羊味濃而且一D都唔靭,佐汁的紅酒汁同埋薄荷醬都很match~隊長B就私心推介薄荷醬啦~因為食完甘多肉,清新的口味消消滯係好重要的~ 點擊圖片放大 +2 ----------------------- 好味指數:8.5/10 翻啅指數:8/10 人均消費:101-200 服務態度:8/10 乾淨指數:7.5/10 ----------------------------------------- 阿麥廚房 銅鑼灣加路連山道9號 ------------------------- #相機食先 #美食#食好西 #食物#hs隨食西餐 #hs銅鑼灣#銅鑼灣#西餐#hs中產遊 #hs搵食重點#羊架#意大利飯#麵包蟹#德國豬腳#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#steak #cafe#risotto#crab ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram