必須大大推介的「老闆娘雲南米線」!原因只有一個,就係即使要排隊成粒鐘,但仍然無悔同10分值得! 喺荃灣香車街街市熟食中心,晚晚都會有一條長長嘅人龍,隊長B雖然只係食過一次,揀咗蒙古湯同埋麻酸辣湯,但係湯底嘅美味已經令人難忘~ 必須講呢度每一碗嘅份量都十分之多,即使連男仔都未必食得晒但呢度有個規矩就係每人至少叫一碗,所以係有少少難度嘅⋯ 蒙古湯有一陣孜然味,好惹味~唔會覺得辣,最衰呢度冇羊片,如果唔係應該都幾夾~麻酸辣湯麻同酸嘅比例剛剛好,兩者都食到,辣到亦可以大中小BB~唔怕食辣嘅都可以試吓中辣~ 不過最特別嘅都係呢度嘅餸料,除咗有啲個名幾得意之外,有啲仲係出邊食唔到~例如正正子「野菌腐皮卷」、「魚肉響鈴」同「招牌酥炸雞球」都係來親呢度嘅人都會叫嘅嘢~ 點擊圖片放大 當然隊長B都唔執輸為大家親身試驗一下啦~腐皮卷同埋響鈴非常脆皮~其實係會唔捨得浸落啲湯度食所以建議大家都係額外叫一啲可以放落湯嘅餸料~皮薄餡多又靚,絕對係好食嘅! 不過炸雞就over左少少,有少少燶同埋乾,唔會叫第二次⋯⋯但米線係令人食完想再食嘅(即使果一刻係會食淨) ------------------------- 好味指數:8.5/10 翻啅指數:8/10 人均消費:10-99 服務態度:6.5/10 乾淨指數:6.5/10 ----------------------------------------- 老闆娘雲南米線 荃灣曹公街8號香車街熟食中心3樓28-29號舖 ---------------- #hs四川菜#米線#紅薯粉#hs荃灣#荃灣#食好西#美食#相機食先#食評#雲南米線#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#hs嗜辣怪 ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram