一班中意食辣嘅友仔黎到銅鑼灣天后唔知食咩,又係打開OpenRice嘅時間,先發現呢邊原來都有正野~就係呢間「十二味不只是烤魚」啦! 之前隊長食過紅磡店,覺得佢地個烤魚都唔錯,不過同伴唔食魚,但呢度話明不只是烤魚,緊係都有其他菜式可以揀嘅! 呢度裝修都幾得意,好多「魚」喺周邊,最可愛的係佢地個杯「世間萬物唯美食與愛不能辜負」絕對講中隊長B心聲! ---------------------- 先來3罐加多寶同一份「泡椒牛肉」~牛肉好滑唔算太辣,而且有好多好爽嘅萵筍喺底,整體係好好食嘅~ 再來一個「悶燉兒麻辣香鍋」,香鍋有好多料,田雞、雞胗、魷魚、蝦、萵筍、土豆條同午餐肉~整個香鍋雖然好多辣椒,但辣度還可以接受,仲食得到~而且好香口惹味!蝦經過油炸,連殻都可以一齊食,而且麻辣味好入味~ 至於呢個「雞絲隨便涼麵」,個名都幾搞笑,唔知係咪隨便撈的意思呢哈哈~話就話隨便,但其實味道一啲都唔隨便,雖然雞絲唔多,但麵好滑醬料配得好好,有啲花生醬有啲蒜蓉嘅味道,食落有少少似$10三包撈撈,但當然係高級版啦~ 最後仲有「燒鵝腸」,$55/十串,起初以為有好多,但原來一條鵝腸為止一串⋯鵝腸幾有咬口,但孜然粉相對多,蓋過鵝腸應有的甘香味,有點輸蝕⋯⋯ -------------- 好味指數:7.5/10 翻啅指數:7/10 人均消費:201-400 服務態度:6.5/10 乾淨指數:6.5/10 ----------------------------------------- 十二味不只是烤魚 天后興發街62-74號美城花園地下L舖 #hs四川菜#米線#紅薯粉#hs天后#天后#食好西#美食#相機食先#食評#烤魚#hs搵食重點 ##foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#hs嗜辣怪 ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram