隊員W是拉麵迷隊員W是拉麵迷隊員W是拉麵迷(因為很重要所以要講3次)所以聽到大埔的朋友告密呢邊開左間新拉麵鋪-「麵屋 元祖達摩」,仲要係好食,當然唔可以錯過朝聖的機會! 雖然就喺大埔,對搵食軍團黎講的確有點遠,但其實太和地鐵站出黎過條馬路就見,嚴格黎講都唔算唔方便嘅~ 呢度新開所以鋪頭所有野都好乾淨整潔,光猛得黎都坐得舒服,有吧台亦有卡位,眼見最多的就係一家大小黎食~都幾親子~ ------------------- 呢度嘅拉麵主要有4款,有「姬」-辛辣拉麵﹑「鈴川」-特上豚骨﹑「松川」-醬油拉麵同埋「高崎」-豚骨拉麵~肉料則有2種,西班牙黑毛豬上肩跟鹿兒島五花腩,比平時大部分的拉麵鋪只有日式叉燒一樣多一個選擇~ 點擊圖片放大 由於隊員W是餃子迷由於隊員W是餃子迷由於隊員W是餃子迷(因為很重要所以都要講3次)所以本來隊長B係想試晒兩隻肉(即係叫個「鈴川」有晒兩隻試)不過因為份量太多而且要叫兩碟餃子的關係,最尾揀左「松川」($68)同埋「高崎」($72)~~~仲有沖繩豚肉餃子&沖繩海老餃子($32) -------------------- 呢度的店員服務必須講係很好的,台數唔多但店員人數卻很多,完全可以照顧到每枱客人的需要~ 先來一壺冰冰的檸檬水,這個很好可以去除拉麵的油膩,食麵之前飲一杯,仲可以開一開胃~ 等左一陣餃子上台啦✨~煎得金香金香的,即叫即整食時要小心燙的說,皮薄而且脆,雖然唔多豚肉但是很好吃~海老餃就更加出色,一咬下去是香濃的蝦味,隊長B還是第一次吃海老餃呢!(已經被吸引着……) 點擊圖片放大 至於拉麵,隊長B係十分滿意的~事關佢地的湯底實在很。好。喝~~~~醬油湯底唔似平時黑卒卒的顏色,清得黎但有足夠的醬油香,內有紫菜﹑溏心蛋﹑海帶碎,筍,木耳絲﹑蔥花同主角-鹿兒島五花腩~豚骨拉麵的湯底則係更加香濃,白白的湯充滿着豚骨香,唔會油食得好舒服,而且仲可以加蒜,令湯底多一種味道層次,值得飲完再飲哈哈~ 而花腩因為經輕輕火灸,所以會帶有微微的燒香,更為惹味~如果一定要講缺點,就係拉麵麵質比較幼身,有點似屋企煮果種,即使揀左「硬」都係有點淋,口感無咁彈牙,不過整體搵食兵團都係很喜歡的說~ ------------------ 好味指數 :8/10 翻啅指數 :7/10 (大埔太和區街坊好消息~) 人均消費 :10-99 服務態度 :8/10 乾淨指數 :8/10 ----------------------------------------- 麵屋 元祖達摩 大埔太和路24號太和中心12號舖 #達摩#招財貓#拉麵 #hs軼事 #美食#食好西#相機食先#食評#餃子#hs飲好西#hs搵食重點#Coffee#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#soda#japan#ramen ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram