由於上次去Pololi 的時候隊長B已經留意到呢間旁邊的法國餐廳Hollywood,因此今次決定好好一試! 一上到去係典型嘅法國菜格局,漆黑嘅環境有一份浪漫嘅感覺,加上全間餐廳都會播柔和嘅音樂,係增加左食客嘅食慾嘅~ 店員服務態度好好,會主動介紹推薦菜式之餘,每道菜上菜嘅時候都會講解返當中嘅煮法同埋用料~ 首先係法國鴨胸沙律,用嘅係法國煙鴨胸,同平時都係啲鴨胸好唔同,經過低溫處理嘅鴨胸肉同埋皮係唔會分開,完全唔會油膩~口感非常嫩滑~配上唔同品種嘅蕃茄,有甜甜的紅番茄,好特別酸酸甜甜嘅青蕃茄同埋番茄仔~加埋黑醋,非常之開胃~ 點擊圖片放大 忌廉白酒藍青口好creamy,忌廉好滑,青口雖然細細隻,但一煲入邊有好多隻,食極都仲有咁~店員介紹話係用咗時令的青口,所以即使細隻都好鮮甜肥美,而且餐廳特別用左蒜粒去整,所以食到好香濃惹味~真好非常抵讚! Main Course有兩個,一個係法式清湯龍躉,另一個係慢煮牛側肉~龍躉平時肉質比較硬身,但呢度就整得好嫩滑,清雞湯同菜苗的鮮甜滲入龍躉肉內,好清好舒服的感覺~而且配菜仲有大大隻的花甲,完全無沙~最特別的就係魚皮,因為本身已經好厚好有質感,微微燒香過後有輕輕的焦香味,放入口充滿骨膠原的感覺真係不能言語表達 牛腹肉則處理得非常好,一如要求的medium,煮得剛剛好,非常juicy~肉汁好香散發住濃濃的牛味,加上嫩滑的口感,無得彈~餐廳仲特別加左落重料牛油的薯泥做伴碟,每食一啖牛肉,點一點薯泥,牛油味道更顯牛肉香味~ -------------------- 好味指數:7.5/10 翻啅指數:7/10 人均消費:401-800 服務態度:8/10 乾淨指數:8/10 ------------------------- Hollywood49 中環蘇豪荷里活道49號鴻豐商業中心2樓 #相機食先 #美食#食好西 #食物#hs法國菜#hs旺角#旺角#西餐#hs中產遊 #法國菜#咖啡#海鮮#hs搵食重點#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#french ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram