[HAPPYSHARE_最愛是美] 體驗 SHISEIDO 革命性產品「ULTIMUNE」~一個月見證膚質改變

 
老生常談,要維持良好的皮膚狀態,足夠休息同穩定情緒可是對皮膚的修復循環很重要的~減低壓力,提升免疫力,肌膚受傷愈少,煩惱愈少,個人情緒壓力亦下降~咁就建立到生活同皮膚間嘅良性循環~
 

好開心得到Thestyle x Shiseido 邀請體驗佢地最新革命性產品「Ultimune Power Infusing Concentrate」~ULTIMUNE為Shiseido 傾注20年時間,針對鑽研肌膚免疫力所得,堪稱Shiseido 護膚科研的精髓~
今次的體驗主要分為兩個部分,首先係產品試用前,Shiseido 特別為隊長B安排了第一次皮膚測試,然後就係緊接的一個多月試用,最後就係第2次的皮膚測試,檢測番多左產品咁耐會唔會有改善或者邊方面唔同左咁~
第一次皮膚測試
第一次上黎已經感覺Shiseido BA好nice,因為老實講隊長B都喺其他大牌遇過唔少態度好串嘅BA…雖然隊長B都深深明白自己皮膚素質都幾差,又乾又易敏感,同時又多粒粒同出油…但真係無估到測過的眼部防禦力﹑面部防禦力﹑水份量﹑彈性全部都係唔合格兼好低分(100分滿分得30幾分)皮膚年齡比實際年齡老,真係好傷心架…
 

不過好彩當日Shiseido BA就比左呢支傳說中的神級精華ULTIMUNE隊長B番屋企試用~用嘅過程好簡單,而且仲可以加埋其他精華一齊用,甘就達到多元修復功能啦!成份天然,Ultimune ComplexTM 的獨家開發成分包括東方草本植物銀杏、紫蘇,及西方草本植物野生百里香,除了有效抗氧化、防禦有害因子,更築起肌膚防禦屏障。特別的ImuCalm複合物蘊含玫瑰及蓮花香氣成分更有助紓緩情緒,減輕壓力~
 
產品試用進行中
精華質地水水好易推,淡淡的香氣搽上面真係好舒服,而且吸收力奇高,轉眼就已經比肌膚吸收晒~極快就感覺到皮膚好似做緊野,識得幫手保養一樣~第一晚用的時候,隊長B已經感覺到平時比冷氣吹到乾的肌膚無再起蛇皮,仲額外有水潤滑滑的觸感~多左幾日之後,平時容易敏感致紅的面珠位都好似收歛左~而且用左一段時間,敏感肌係有改善到嘅,都有覺得白左通透左架~
 

第二次皮膚測試
再一次要上去做皮膚測試雖然係好緊張的,但係始終都叫自我感覺進步左,應該都OK掛~度一度原來真係有高分左架~全部都合格了終於呵呵,不過可能呢排曬多左,黑色素好似勁左少少添,但都係可以接受既!證明呢支ULTIMUNE係真的有效幫助皮膚減壓的

 

 

 

後話:做完皮膚測試後,仲有一個area可以比隊長B化番個妝先走,服務係非常貼心的~
 
——————-
——————
【產品資訊及提供:Shiseido】

 

免責聲明: 是次產品/產品資料由品牌提供,本文章之全部內容均屬個人意見及感受,並不代表該品牌之言論及立場,如需協助或希望獲得更多有關產品資訊,請直接聯絡該品牌查詢。
❤為食時代_Happyshare每分精彩❤
 相傳上天賜予人類三大神《器》—
視覺-見盡人間美好 聽覺-聽盡動人聲樂 味覺-嚐盡珍饈百味
「作為萬物之靈。小女子定當竭盡所能」
❤️愛生活❤️愛健康❤️愛旅行❤️愛分享
*分享一切美食及生活瑣事*
happyshare.moments@gmail.com
歡迎各類合作及交流~ (試用 / 出席活動)
Follow Me
This entry was posted in 護膚 and tagged , , , , , , , , , . Bookmark the permalink.