[HAPPYSHARE_搵食重點] 終於了解甚麼是蟹中霸者 @ MR. CRAB BY THE CAPTAIN’S HOUSE

 成日番工經過呢間Mr. Crab都一直非常想去,遺憾一直未有機會⋯今次終於就到時間去隊長B緊係興奮不已啦!話晒叫做期待已久嘛!

入到去上呢條旋轉樓梯時已覺得好有航海氣氛好得意,店員超nice安排左卡o位比隊長B,仲介紹左幾款特色菜式,全部都正中隊長B心水呵呵~最搞笑係佢地每個食客都提供一件口水堅,水手look的造型連隊長B都覺得好型棍呀哈哈~

每日的蠔款來源都唔同,由右至左就有法國﹑愛爾蘭同西班牙~店員講解要由淡味的開始食,所以就係由法國食先啦~

一食落口,juicy的程度真係無話可說,所謂的淡並不是無味,而係食到好清甜的鮮蠔味,好新鮮!!點左少少紅酒醋再食愛爾蘭的寶貝,紅酒醋少少酸得黎酒味吊起左蠔的味道,非常有特色!至於Spanish的寶貝真係好海水味,果然係有好濃的蠔味,平時其實隊長B係唔好生蠔,但呢3隻寶貝真係征服左隊長B的心~

 

食主菜之前當然要食個Mr. Crab’s Garden Salad先啦~呢個Signature Salad 用料甚多,有牛油果﹑蛋﹑芝士﹑青瓜等等,的確好田園架~再黎兩杯店員推介的特飲,Peach on the Beach同Blue Ocean,以出海為名,當然要有薄荷葉襯托啦~飲落好fresh,開胃至岩~

 

黎到成件事的戲肉,就係呢個隊長B恨左好耐好想想想食的「海鮮膠袋」啦!呢個號稱Mr. Crab的靈魂絕對名不虛傳,唔單止可以自己拼出想要的海鮮組合,仲要係海鮮同Sauce的種類奇多,連龍蝦都有!!配菜又係自己揀!!!宜家呢刻回顧番隊長B仍然口水處處流…

店員運用佢嘅莫大的臂力搖勻呢個「膠袋」後,就可以打開黎食啦!!揀左Mr. Crab Cajun Sauce (唔知係咪咁串…串錯唔好炳禾lol),帶少少辣味勁勁蒜味的海鮮汁真係正到一個點!根本隊長B就係為左呢樣野出世一樣XD~惹味到連手指都可以食埋~有蜆﹑青口﹑小龍蝦同大大大龍蝦~唔好以為成隻龍蝦太大隻會入唔到味,由於個殼唔係好難撕,撕完再浸番落個汁到再食,啖啖肉的感覺真係人間極品呀!!!配料就有腸仔﹑薯仔﹑粟米,全部一樣咁入味,點呢個汁真係好match!好。正。呀!!!

 

至於個主菜焗蟹肉三文魚卷緊係同樣好正啦~平時熟三文魚會相對肫膩同油,但呢個經煙肉包住的蟹肉+三文卷完全無呢個問題,仲多左一份滑嫩的口感,完全係用心的製作!每吃一啖,三文魚的油脂溶化於口中,加上蟹肉的鮮味,相當有層次,加埋Brandy Sauce甜美的酒味,豐富了整道菜的味道~

其實食完以上咁多野已經好飽,但聽到店員介紹甜品的時候,身為多一個「甜品胃」的女生都係會眼發青光嘅~揀左呢個核桃甘筍蛋糕,雖然口感唔似平時蛋糕的滑,但超多核桃,很有口感~甜度適中,完全為今餐飯畫上完美的句號。

 
 —————-

好味指數:9/10
翻啅指數:9/10
人均消費:401-800
服務態度‍:9/10
乾淨指數:8.5/10
—————————————–
Mr. Crab by The Captain House

❤為食時代_Happyshare每分精彩❤
 相傳上天賜予人類三大神《器》—
視覺-見盡人間美好 聽覺-聽盡動人聲樂 味覺-嚐盡珍饈百味
「作為萬物之靈。小女子定當竭盡所能」
❤️愛生活❤️愛健康❤️愛旅行❤️愛分享
*分享一切美食及生活瑣事*
happyshare.moments@gmail.com
歡迎各類合作及交流~ (試用 / 出席活動)
Follow Me

 

This entry was posted in 其他歐洲菜, 名人食堂, 商務接待, 家庭聚會, 情侶約會, 意大利菜, 時令, 特色餐廳, 生日派對, 知己聚會, 食材, 香港 and tagged , , , , , , , , . Bookmark the permalink.