[HAPPYSHARE_搵食重點] 大坑一新發現~很有FEEL 的法國大餐

隊長B經常強調周末要對自己好啲,難得又到星期日緊係要同屋企人去嘆下~今次介紹的係呢間WARREN~其實隊長B本來都唔識呢間店,係偶然經過覺得呢度好grand好有feel~(隊長B沉迷白色歐式建築⋯)決心搵機會試一試~
 
一入去發現原來內裏另一種韻味,地方不大,台數唔多,但微黃燈光加上輕柔音樂,很有情調的說~店員服務超級有禮貌,因為booking用左英文名,所以每句對話之前都會先稱呼隊長B,是很少有餐廳可以做到的,令客人有貴賓的感覺~店員介紹主廚來自五星級洲際酒店,所以食物會更別出心裁,隊長B就知道無揀錯地方食飯啦呵呵!
 
呢度嘅set dinner係有分3 course / 4 course的,4 course係多左dessert,開頭隊長B係揀左4個3 course set的,但之後發現食物實在太好,好想試埋個甜品,就不理後果肥多幾磅地叫埋甜品啦~餐包係好有口感的黑白脆脆,配上黑松露牛油好香口~

 

前菜有鵝肝﹑龍蝦同鮑魚3個選擇,鵝肝好甘香,留有不少的油分,龍蝦十分新鮮,而且廚師好有心思地將龍蝦肉整左出黎方便食客食用,殼的位置則放入沙律,既食到龍蝦肉亦食到開胃的沙律,非常好~鮑魚經過磯煮烹調,好淋但不失鮑魚的爽口,鮑魚汁流進白蘿蔔中,兩者相映更見清甜。

 

兩款餐湯分別係龍蝦湯同洋蔥湯,兩款都係廚師收到order後再即時加工的,可謂新鮮出爐!龍蝦湯好creamy,仲有新鮮龍蝦仔,好濃好好飲~洋蔥湯真係飲得出好勁的洋蔥味,仲有包包係入面可以吸取湯中精華~

 

主菜方面,尤其推介慢煮西班牙豬肩,完全顛覆左平時食豬肉比較榎口的概念,非常之嫩滑,而且豬味濃郁,10分滿分絕對值得比滿分!香煎鮟鱇魚及三文魚亦很有特色,平時要食煎鮟鱇魚都唔係咁普遍的事,加上入口即融,火侯拿捏得剛剛好的三文,係第一次食到的說~配埋特製的奶油醬,更添美味!至於海陸盛宴的牛扒及龍蝦,淨係聽個名都知道把炮啦~非常新鮮及惹味!一絕!

 

 

 

甜品方面芝士蛋糕同朱古力蛋糕都很好吃~特別推介朱古力款~滑溜濃郁的黑朱古力放在口中,感覺好似一粒godiva慢慢溶化,很amazing~再配上raspberry雪糕,無論先苦後甜還是先甜後苦都是那麼令人享受!

後話:主廚對食物的要求非常高,食物就如藝術一樣,擺碟精緻,尤如油畫,連餐具都係熱呼呼的,好用心的製作!
 
——————–
好味指數:8/10
翻啅指數:8/10
人均消費:401-800
服務態度‍:9/10
乾淨指數:8/10
————————-
Warren
大坑華倫街9號地下1號舖
#相機食先 #美食#食好西 #食物#hs法國菜#西餐#hs中產遊 #法國菜#咖啡#海鮮#hs搵食重點#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#french  #hs大坑 #大坑
❤為食時代_Happyshare每分精彩❤
 相傳上天賜予人類三大神《器》—
視覺-見盡人間美好 聽覺-聽盡動人聲樂 味覺-嚐盡珍饈百味
「作為萬物之靈。小女子定當竭盡所能」
❤️愛生活❤️愛健康❤️愛旅行❤️愛分享
*分享一切美食及生活瑣事*
happyshare.moments@gmail.com
歡迎各類合作及交流~ (試用 / 出席活動)
Follow Me

 

This entry was posted in 商務接待, 家庭聚會, 情侶約會, 時令, 法國菜, 甜品/飲品, 生日派對, 知己聚會, 米芝蓮餐廳/廚師, 食材, 香港 and tagged , , , , , , , , . Bookmark the permalink.