小編真係日本旅遊中毒者,曾經試過一年最多去八次日本。究竟點解我可以去咁多次?好有錢?好多假?當然不是… 小編未做blogger前係從事教育界,放假大都逼住係旺季。 打從1月開始計,點樣去到8次日本呢? 聖誕連新年假、復活假、週末連校慶補假、週末連國慶補假再加上辭職後9月、10月和12月去了4次,咁就8次勒!當然我放棄了農曆新年假和暑假等旺季,否則就不得了… 要成為日本旅遊中毒者其實唔難,只要有以下準備和特質便可! 1. 無論長假、短假連假都唔放過!短至三日快閃日本的朋友大有人在。坐凌晨機去夜機番,唔怕頭暈暈無精神既,都可快閃!凌晨機去到機場而家都有膠囊酒店平平地俾你抖幾粒鐘先開始行程,甚至沖埋涼洗過頭都得,咁方便點會引誘唔到你^^ 2. 經常留意住特平機票,一出現就金睛火眼click爛個keyboard咁濟,搶到什麼買去程送回程、$48單程等等,來回機票連稅千蚊鬆d,慳番唔少旅費。 3.住宿其實如果要求唔高,平至2,3千yen既旅館、青年旅舍都有,亦有提供單身女士的旅館,獨遊也不怕! 4.提到獨遊,就更適合旅遊中毒者,因為唔需要預同其他人夾,慳時慳氣,隨時見到平機票有假即可閃! 5. 日本的產品精品、食物、飲品日日新,真係去少一排都心掛掛,隔無耐又有新商場新景點,點會吸引唔到一班中毒者,甚至想長居移民添!去唔到都會心思思想搵代購買,但如其俾人賺,都係自己親身去一轉買夠先爽! 6. 食都可以就個人能力,日本食野可以好平,幾百yen一個拉麵、一個牛肉丼定食,平有平食,便利店都有好多選擇!最重要係佢平得黎都唔難食先難能可貴,超市關門前必有特價貨,平靚正!去到日本真係不愁無野食! 7.車費呢如果識慳,買不同的day pass套票又可以經濟d, 不同商鋪的會員卡會有折扣優惠,不妨申請,免費使用!網上店鋪食店coupon要多加利用,咁樣慳得就慳! 8.預岩大減價時間去就大慳特慳。日本每年有兩個大減價日子,1月和7月,通常實行一個月。當然間唔中有些零聲減價的個別商舖。但由於1月和7月的減價可低至1,2折,係入貨的好時機(假如你不是追求最新款的),必定令你為之瘋狂! 當然因為小編裸辭左先可以成就了一年去8次日本的宏大志願,就算去唔到8次,我認為只要就到假,草到唔需要太多的錢,平平地一年遊多次日本也是有可能的。各位日本旅遊中毒者要加油呀,不用見到『這些機會不是屬於我的』而嘆氣^^ 喜歡這篇文章的,可即「LIKE」FACEBOOK FAN PAGE 東瀛吃買玩開心SHARE facebook專頁 WONGGUGU YOUTUBE CHANNEL(NEW) PLEASE CLICK BELOW https://m.youtube.com/playlist?list=PLROwgUq8DE_W-Rrc0243m0OI-M8clNV9e 想了解多些日本最新和旅遊資訊,可click以下連結: http://happysharejp.hk https://www.facebook.com/happysharejp/ https://blog.ulifestyle.com.hk/blogger/happysharejp/ http://happysharejp.pixnet.net/blog 聯絡電郵: happysharejp@gmail.com